ରାଷ୍ଟ୍ରପତିଭବନ ଘେରିଲେ ପ୍ରଦର୍ଶନକାରୀ

Sri Lanka President Gotabaya Rajapaksa flees as protesters storm residence

ଶ୍ରୀଲଙ୍କରେ ଉଗ୍ର ରୂପ ନେଇଛି ଆର୍ଥିକ ସଂକଟ(Sri Lanka crisis) । ସମ୍ପୂର୍ଣ୍ଣ ଭୟଙ୍କର ପରିସ୍ଥିତି ଉପୁଜିଛି । ରାଷ୍ଟ୍ରପତିଭବନ(Sri Lanka president house) ଉପରେ କବଜା କରିଛନ୍ତି ପ୍ରଦର୍ଶନକାରୀ । ଫଳରେ ରାଷ୍ଟ୍ରପତି ଗୋଟବାୟା ରାଜପକ୍ଷେ ପଳାୟନ କରିଥିବା ସୂଚନା ମିଳିଛି ।

ରାଷ୍ଟ୍ରପତି ଗୋଟବାୟା ରାଜପକ୍ଷେ(Sri Lanka President Gotabaya Rajapaksa)ଙ୍କ ପଳାୟନ ନେଇ ପ୍ରତିରକ୍ଷ ସୂତ୍ରରୁ ଦାବି କରାଯାଇଛି । ଏହା ପୂର୍ବରୁ ମେ 11ରେ ପୂର୍ବତନ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ ସପରିବାର ପଳାୟନ କରିଥିଲେ । ଉଗ୍ର ରୂପ ନେଇଥିବା ପ୍ରଦର୍ଶନକାରୀ ଶ୍ରୀଲଙ୍କା ରାଜଧାନୀ କଲୋମ୍ବୋରେ ରାଜପକ୍ଷେଙ୍କ ସରକାରୀ ବାସଭବନ ଘେରାଉ କରିନେଇଥିଲେ ।

ସୂଚନା ଅନୁଯାୟୀ, କଲୋମ୍ବୋ ସ୍ଥିତ ରାଷ୍ଟ୍ରପତିଭବନକୁ ପ୍ରଦର୍ଶନକାରୀ ଘେରି ନେଇଛନ୍ତି । କେବଳ ସେତିକି ନୁହେଁ, ପ୍ରଦର୍ଶନକାରୀ ରାଜପକ୍ଷେଙଅକ ବାସଭବନରେ ଭଙ୍ଗାରୁଜା କରିଥିବା ଖବର ମଧ୍ୟ ସାମ୍ନାକୁ ଆସୁଛି । ଶ୍ରୀଲଙ୍କାରେ ବିପର୍ଯ୍ୟସ୍ତ ଆର୍ଥିକ ସଙ୍କଟ ମଧ୍ୟରେ ରାଷ୍ଟ୍ରପତି ଗୋଟବାୟା ରାଜପକ୍ଷେଙ୍କ ଇସ୍ତଫା ଦାବି କରି ଆଜି ସରକାର ବିରୋଧୀ ରାଲି ଜାରି ରହିଛି ।

ଶୁକ୍ରବାର ଶ୍ରୀଲଙ୍କାରେ ଅନିଶ୍ଚିତକାଳ ପାଇଁ କର୍ଫ୍ୟୁ ଲଗାଇଦିଆଯାଇଛି । ସେନାକୁ ମଧ୍ୟ ହାଇ ଆଲର୍ଟରେ ରଖାଯାଇଛି । ରଜଧାନୀ ଓ ଏହାର ଆଖପାଖ ଅଞ୍ଚଳରେ ଶୁକ୍ରବାର ରାତିରେ କର୍ଫ୍ୟୁ ଲଗାଇ ଦିଆଯାଇଥିବା ସୂଚନା ଦେଇଛନ୍ତି ଶ୍ରୀଲଙ୍କା ପୋଲିସ ମୁଖ୍ୟ ଚନ୍ଦନା ବିକ୍ରମ ରତ୍ନେ । ହଜାର ହଜାର ପ୍ରଦର୍ଶନକାରୀ ରାଷ୍ଟ୍ରପତିଙ୍କ କ୍ଷମତାରୁ ବେଦଲ କରିବା ପାଇଁ କଲମ୍ବୋରେ ପ୍ରବେଶ କରିଛନ୍ତି । ଏହା ପରେ କର୍ଫ୍ୟୁ କଡାକଡି କରାଯାଇଥଇବା ଚନ୍ଦନା ବିକ୍ରମ ରତ୍ନେ ସୂଚନା ଦେଇଛନ୍ତି ।

ଶୁକ୍ରବାର ପୋଲିସ କର୍ଫ୍ୟୁ ଲଗାଇବା ପୂର୍ବରୁ କଲୋମ୍ବୋରେ ଛାତ୍ର ପ୍ରଦର୍ଶନକାରୀଙ୍କ ଉପରକୁ ଲୁହବୁହା ଗ୍ୟାସ ଛଆଡିଥିଲା । ଏହାସହିତ ପାଣିମାଡ ମଧ୍ୟ ହୋଇଥିଲା । ସରକାର ବିରୋଧୀ ପ୍ରଦର୍ଶନରେ ରାଜନୈତିକ ଦଳ, ଶିକ୍ଷକ, ଚାଷୀ, ଡାକ୍ତର, ମତ୍ସ୍ୟଜୀବୀ ଓ ସାମିଜିକ କର୍ମୀ ସାମିଲ ରହିଛନ୍ତି ।

ମେ 10ରେ କ୍ଷମତାସୀନ ଦଳର ସାଂସଦ ଅମରକିର୍ତ୍ତୀ ଅଥୁକୋରାଲାଙ୍କ ମୃତ୍ୟୁ ହୋଇଥିଲା । ସୂଚନା ଅନୁଯାୟୀ ତାଙ୍କ ଗାଡିକୁ ନିଣ୍ଟୁବୁଓ୍ବାରେ ସରକାର ବିରୋଧୀ ପ୍ରଦର୍ଶନକାରୀ ଘେରି ନେଇଥିଲେ । ଏହି ସମୟରେ ଗାଡି ଭିତରୁ ଗୁଳି ଚଳାଇବାର ଶବ୍ଦ ଶୁଣିବାକୁ ମିଳିଥିଲା । ଭିଡକୁ ଡରି ସାଂସଦ ନିଜକୁ ଗୁଳି କରିଥିବା କୁହାଯାଉଛି ।

ପଡୋଶୀ ଶ୍ରୀଲଙ୍କାରେ ସରକାରୀ ବିରୋଧୀ ସ୍ବର ଥମିବାକୁ ନାଁ ନେଉନାହିଁ । ଖାଦ୍ୟ ସୁରକ୍ଷାକୁ ନେଇ କ୍ରମାଗତ ଜନ ଆକ୍ରୋଶର ଶିକାର ହେଉଛନ୍ତି ଶ୍ରୀଲଙ୍କା ସରକାର(Sri Lanka Govt)। ଶ୍ରୀଲଙ୍କାରେ ଅସ୍ଥିରତା ଲାଗିରହିଥିବାବେଳେ ବର୍ତ୍ତମାନ ଜରୁରୀକାଳିନ ଜାରି ରହିଛି । ଏହାରି ମଧ୍ୟରେ ଏକ ସଭାରେ ଯୋଗ ଦେବାକୁଯାଇଥିବା ଶ୍ରୀଲଙ୍କା କୃଷିମନ୍ତ୍ରୀ(Lanka agriculture minister)ଙ୍କୁ ପ୍ରବଳ ବିରୋଧର ସାମ୍ନା କରିବାକୁପଡିଥଇଲା । ପରିସ୍ଥିତି ଏମିତି ହୋଇଥିଲା ଯେ ଶେଷରେ କୃଷିମନ୍ତ୍ରୀ ସଭା ଛାଡି ପଳାଇ ଆସିବାକୁ ବାଧ୍ୟ ହୋଇଥିଲେ ।

ଶ୍ରୀଲଙ୍କାରେ ଆର୍ଥିକ ସଙ୍କଟ କାରଣରୁ କୃଷି କ୍ଷେତ୍ର ଉପରେ ଗମ୍ଭୀର ପ୍ରଭାବ ପକାଇଛି । ରାଷ୍ଟ୍ରପତି ଗୋତବାୟା ରାଜପକ୍ଷେଙ୍କ ଦ୍ବାରା ଏପ୍ରିଲ 2021ରେ ରାସାୟନିକ ସାର ପ୍ରୟୋଗ ଉପରେ ଲଗାଯାଇଥିବା ପ୍ରତିବନ୍ଧକ କାରଣରୁ ଦେଶରେ ଧାନ ଉତ୍ପାଦନ ପ୍ରଭାବିତ ହୋଇଛି । ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେ କହିଛନ୍ତି, ଚଳିତ ବର୍ଷ ସେପ୍ଚେମ୍ବରସୁଦ୍ଧା ଦେଶରେ 2.2 କୋଟି ଜନସଂଖ୍ୟା ମଧ୍ୟରୁ ପାଖାପାଖି 40ରୁ 50 ଲକ୍ଷ ଲୋକ ଅନାହାର କାରଣରୁ ସିଧାସଳଖ ପ୍ରଭାବିତ ହେବେ ।

ଚାଷୀଙ୍କ ଜୋରଦାର ବିରୋଧ, ଦୌଡି ପଳାଇ ଆସିଲେ କୃଷିମନ୍ତ୍ରୀ

ତେଲରେ ନିଆଁ, 500 ଛୁଇଁଲା ପେଟ୍ରୋଲ