ଖରିଫ ଫସଲ ଉପରେ ପଡିବ ମୌସୁମୀ ମାଡ!

Weak monsoon rains worry India's farmers, IMD says all fine

ଭାରତରେ ଏଥର ନିର୍ଦ୍ଧାରିତ ସମୟ ପୂର୍ବରୁ ହିଁ କେରଳ ଛୁଇଁଛି ମୌସୁମୀ(monsoon) । ଜୁନରେ ମୌସୁମୀର ଗତି ସ୍ବାଭାବିକ ରହିଛି । ହେଲେ ପ୍ରାଥମିକ ସପ୍ତାହରେ କମ ବର୍ଷା ହୋଇଥିବା ଦେଖିବାକୁ ମିଳିଛି । ଏହାକୁ ନେଇ ଚିନ୍ତାରେ ଅଛନ୍ତି ଚାଷୀ ।

ବିଶେଷଜ୍ଞଙ୍କ କହିବାନୁଯାୟୀ ପ୍ରଥମରୁ ହିଁ ଭୀଷଣ ଗ୍ରୀଷ୍ମ ପ୍ରବାହ ପ୍ରକୋପରେ ପ୍ରଭାବିତ ଭାରତ ପାଇଁ ଦୁର୍ବଳ ମୌସୁମୀ(Weak monsoon) ଚିନ୍ତାର ବିଷୟ । ହେଲେ ନିଜର ପୂର୍ବାନୁମାନରେ ଭାରତୀୟ ପାଣିପାଗ ବିଭାଗ ସ୍ବାଭାବିକ ମୌସୁମୀ ବର୍ଷା ହେବା ନେଇ ଆକଳନ କରିଛି ।

ଭାରତୀୟ ପାଣିପାଗ ବିଭାଗ( IMD ) ଅନୁଯୟୀ, ଆଗାମୀ ଦିନରେ ମୌସୁମୀର ଗତି ବୃଦ୍ଧି ହେବ । ବର୍ଷା ମଧ୍ୟ ଭଲ ହୋଇପାରେ । ଖରିଫ ଋତୁର ଫସଲ ପାଇଁ ଭଲ ବର୍ଷା ବେଶ ଗୁରୁତ୍ବପୂର୍ଣ୍ଣ । ଯଦି ମୌସୁମୀ ସ୍ବାଭାବିକରୁ କମ ରୁହେ କିମ୍ବା ଜୁଲାଇର ପ୍ରଥମ ସପ୍ତାହ ଯାଏଁ ବର୍ଷା ନହୁଏ, ତାହେଲେ ଏହା କୃଷି ଆଧାରିତ ଅର୍ଥବ୍ୟବସ୍ଥା ପାଇଁ କଠିନ ପରିସ୍ଥିତିକୁ ଜନ୍ମ ଦେବ ।

ମୌସୁମୀ ଗତି ବୃଦ୍ଧି ହେଲେ ଖାଦ୍ୟ ଓ ପନିପରିବା ଦରଦାମ ବୃଦ୍ଧି କମିବ । ଦେଶର ଅଧାରୁ ଅଧିକ ଜନସଂଖ୍ୟା ପାଇଁ ମୌସୁମୀ ବର୍ଷା ଅତ୍ୟାବଶ୍ୟକ । ଦେଶରେ ବର୍ଷସାରା ଯେତିକି ବର୍ଷା ହୁଏ, ସେଥିରୁ 70 ପ୍ରତିଶତ ବର୍ଷା ମୌସୁମୀ ସମୟରେ ହିଁ ହୋଇଥାଏ । ଏଥିରୁ 60 ପ୍ରତିଶତ ଯାଏଁ ଫସଲର ରୋପଣ ପାଇଁ ସିଞ୍ଚନରେ ଲାଗିଥାଏ । ପାଖାପାଖି ଅଧାରୁ ଅଧିକ ଜନସଂଖ୍ୟା ପ୍ରତ୍ୟେକ୍ଷ ବା ପରୋକ୍ଷ ରୂପେ କୃଷି ଉପରେ ନିର୍ଭର କରନ୍ତି । ଦୁର୍ବଳ ମୌସୁମୀ କାରଣରୁ ଉତ୍ପାଦନ ଭଲ ହୁଏନାହିଁ ଓ ଦରଦାମ ବୃଦ୍ଧି ହୋଇଥାଏ ।

ଦୁର୍ବଳ ମୌସୁମୀ, କୃଷି ଉପରେ ସଙ୍କଟର କଳା ବାଦଲ

ରପ୍ତାନୀ ଉପରେ ରୋକ ସତ୍ତ୍ବେ କମୁନି ଗହମ ଦର

ସେପଟେ ପ୍ରବଳ ଗରମ ଓ ଗ୍ରୀଷ୍ମପ୍ରବାହ କାରଣରୁ ପ୍ରଥଣରୁ ହିଁ ରବି ଫସଲ ଉତ୍ପାଦନ ପ୍ରଭାବିତ ହୋଇଛି । ଏହି କାରଣରୁ ଗହମ ରପ୍ତାନୀ ଉପରେ ସରକତାରଙ୍କୁ ରୋକ ଲଗାଇବାକୁପଡିଥିଲା । ଦେଶରେ ଖାଦ୍ୟ ସୁରକ୍ଷା ଦୃଷ୍ଟିରୁ ଦୁର୍ବଳ ମୌସୁମୀ ଭୟଙ୍କର ପରିଣାମ ଆଣିପାରେ ।

ସେପଟେ ମହାରାଷ୍ଟ୍ର, ମଧ୍ୟପ୍ରଦେଶ, ତେଲେଙ୍ଗାନା, ଛତିଶଗଡ ଓ ଝାଡଖଣ୍ଡ ସମେତ ଦେଶର ମଧ୍ୟଭାଗ ମୁଖ୍ୟ ମୌସୁମୀ କ୍ଷେତ୍ର । ହେଲେ ବର୍ତ୍ତମାନ ଏଠାରେ ମୌସୁମୀ ଦୁର୍ବଳ ରହିଛି । ପଞ୍ଜାବ ଓ ହରିୟାଣାରେ ମଧ୍ୟ ଚାଷୀ ମୌସୁମୀ ଉପରେ ନିର୍ଭର କରନ୍ତି । ଏପଟେ ମୌସୁମୀରେ ବିଳମ୍ବ ମହାରାଷ୍ଟ୍ର ପାଇଁ ବିପଦ ସୃଷ୍ଟି କରିଛି ।

ଯଦିଓ କ୍ରମାଗକ ଚତୁର୍ଥ ଥର ସ୍ବାଭାବିକ ମୌସୁମୀ ନେଇ ପାଣିପାଗ ବିଭାଗ ପୂର୍ବାନୁମାନ କରିଛି, ତେବେ ଜୁନର ପ୍ରଥମ ସପ୍ତାହଗୁଡିକରେ ଗ୍ରୀଷ୍ମପ୍ରବାହ କାରଣରୁ ଧାନ ଭଳି ଫସଲ ପାଇଁ ବିହନ ବୁଣିବାରେ ବିଳମ୍ବର ଆଶଙ୍କା ବଢିଛି । ତଥାପି ପାଣିପାଗଲ ବିଭାଗର କହିବାନୁଯାୟୀ ମୌସୁମୀରେ ଗତି ଆସିବା ପରେ ଏହି କ୍ଷତିର ଭରଣା ହୋଇଯିବ ।

ପାଣିପାଗ ବିଭାଗ ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି ଯେ, ସାରା ଦେଶରେ ବର୍ଷାର ପରିମାଣ ହ୍ରାସ 43 ପ୍ରତିଶତରୁ କମି 17 ଜୁନରେ 18 ପ୍ରତିଶତ ରହିଛି । ପୂର୍ବ, ମଧ୍ୟ ଓ ପୂର୍ବୋତ୍ତର ଅଂଶରେ ସ୍ବାଭାବିକ ବର୍ଷା ରହିବ । 23 ଜୁନ ପରେ ପଶ୍ଚିମ ଭାବରତରେ ବର୍ଷାର ପରିମାଣ ବୃଦ୍ଧି ହେବ ବୋଲି କହିଛନ୍ତି ମହାପାତ୍ର ।