୨୪ ଘଣ୍ଟାରେ ୧୬ ଜିଲ୍ଲାରେ ବର୍ଷା, ୟେଲୋ ଆଲର୍ଟ ଜାରି

Weather Update heavy rainfall in odisha

୨୪ ଘଣ୍ଟା ମଧ୍ୟରେ ୧୬ ଜିଲ୍ଲାରେ ପ୍ରଚଣ୍ଡ ଘଡଘଡି ବିଜୁଳି ସହ ବର୍ଷା (Rain) ପାଇଁ ୟେଲୋ ଆଲର୍ଟ (Yellow Warning) ଜାରି କରାଯାଇଛି । ଉପକୂଳ ସମେତ ଉତ୍ତର ଏବଂ ଦକ୍ଷିଣ ଓଡ଼ିଶାକୁ ସତର୍କ କରାଯାଇଥିବା ବେଳେ ବର୍ଷା (Rain) ସମୟରେ ଘଣ୍ଟାପ୍ରତି ୪୦ ରୁ ୫୦ କିଲୋମିଟର ବେଗରେ ପବନ ବୋହିବ ବୋଲି ପାଣିପାଗ କେନ୍ଦ୍ର (IMD)କହିଛି ।

ସୂଚନା ଅନୁଯାୟୀ, ରାଜ୍ୟରେ କମିଛି ପ୍ରାକ୍ ମୌସୁମୀ (Monsoon)ବର୍ଷା । ୧ ମାର୍ଚ୍ଚ ରୁ ୨୫ ମେ ମଧ୍ୟରେ ସ୍ବାଭାବିକ ଠାରୁ ୨୮ ପ୍ରତିଶତ କମିଛି ବର୍ଷା (Rain) । ପାଗ ବିଗାଡି ଦେଇଛି ଘନଘନ ଘୂର୍ଣ୍ଣିବଳୟ । ବାରମ୍ବାର ମୌସୁମୀ ପ୍ରକ୍ରିୟା ପାଇଁ ସୃଷ୍ଟି ହୋଇଛି ପ୍ରତିକୂଳ ପାଗ ।

୨୭ ତାରିଖରେ ଆଜି ଶୁକ୍ରବାର (Friday)କେରଳ ଛୁଇଁନପାରେ ଦକ୍ଷିଣ ପଶ୍ଚିମ ମୌସୁମୀ ବାୟୁ । ବଡ କାଳବୈଶାଖୀ (Thunderstorms)କିମ୍ବା ଲଘୁଚାପ ସୃଷ୍ଟି ସମ୍ଭାବନା ନଥିବାରୁ ବିଳମ୍ବ ନେଇ ଆକଳନ କରାଯାଇଛି । ୬ ତାରିଖ ପର୍ଯ୍ୟନ୍ତ ଓଡ଼ିଶା (Odisha)ରେ ବଡଧରଣର ବର୍ଷା ସମ୍ଭାବନା ନାହିଁ । ଚଳିତ ବର୍ଷ ଓଡ଼ିଶାକୁ ଦକ୍ଷିଣ ପଶ୍ଚିମ ମୌସୁମୀ ବାୟୁ ଛୁଇଁବାରେ ବିଳମ୍ବ ହୋଇପାରେ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ ଶରତ ସାହୁ ।

କେତେବେଳେ ପାଗ ଅନୁକୂଳ ରହୁଛି ତ କେତେବେଳେ ପୁଣି ସୃଷ୍ଟି ହେଉଛି ପ୍ରତିକୂଳ ପାଗ । ଏଭଳି ସ୍ଥିତି ପାଇଁ ଏବେ ମୌସୁମୀ ବିଳମ୍ବ ହେବା ଆଶଙ୍କା ଦେଖାଦେଇଛି । ସେପଟେ ଆସନ୍ତା ୫ ଦିନ ପର୍ଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ କାଳବୈଶାଖୀ (Thunderstorms) ନେଇ ସତର୍କତା ଜାରି କରିଛି ପାଣିପାଗ କେନ୍ଦ୍ର (IMD)।

ଅନ୍ୟପଟେ ମୌସୁମୀ (Monsoon)କେରଳ ଛୁଇଁବା ପରେ ତାମିଲନାଡୁ, ରୟାଲସୀମା, ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନା ଛୁଇଁଥାଏ । କିନ୍ତୁ, ଚଳିତ ବର୍ଷ ଏପରି ସମ୍ଭାବନା ଦେଖାଯାଉନି । କାରଣ ପ୍ରାକ୍ ମୌସୁମୀ (Monsoon) ବା କାଳବୈଶାଖୀ (Thunderstorms) ବର୍ଷା ଶକ୍ତ ହେଉନାହିଁ । ଓଡ଼ିଶାରେ ମଧ୍ୟ ଟ୍ରପ୍ଲାଇନ୍ ପ୍ରଭାବରେ କାଳବୈଶାଖୀ ବର୍ଷା (Rain) ହେଉଛି । କିନ୍ତୁ, ମୌସୁମୀକୁ ସକ୍ରିୟ କଲାଭଳି ବର୍ଷା ଜୁନ୍ ୬ ତାରିଖ ପର୍ଯ୍ୟନ୍ତ ନାହିଁ । ସେପଟେ ଆସନ୍ତା ଦୁଇ ଦିନ ପାଇଁ ଅଧିକାଂଶ ଜିଲ୍ଲାରେ କାଳବୈଶାଖୀ (Thunderstorms) ନେଇ ବିଭାଗ ସତର୍କ କରାଇଛି ।

ପ୍ରକାଶ ଥାଉ ଯେ, ୨୪ ଘଣ୍ଟା ମଧ୍ୟରେ ୧୬ ଜିଲ୍ଲାରେ ପ୍ରଚଣ୍ଡ ଘଡଘଡି ବିଜୁଳି ସହ ବର୍ଷା (Rain) ପାଇଁ ୟେଲୋ ଆଲର୍ଟ (Yellow Warning) ଜାରି କରାଯାଇଛି । ଉପକୂଳ ସମେତ ଉତ୍ତର ଏବଂ ଦକ୍ଷିଣ ଓଡ଼ିଶାକୁ ସତର୍କ କରାଯାଇଥିବା ବେଳେ ବର୍ଷା ସମୟରେ ଘଣ୍ଟାପ୍ରତି ୪୦ ରୁ ୫୦ କିଲୋମିଟର ବେଗରେ ପବନ ବୋହିବ ବୋଲି ପାଣିପାଗ କେନ୍ଦ୍ର କହିଛି । ତେବେ ଆସନ୍ତା ୩ ଦିନ ମଧ୍ୟରେ କାଳବୈଶାଖୀ (Thunderstorms)ର ପ୍ରଭାବ କମିବା ସହ ସ୍ବାଭାବିକ ଠାରୁ ୨ ରୁ ୩ ଡିଗ୍ରୀ ତାପମାତ୍ରା ବଢିବ । ଆଭ୍ୟନ୍ତରୀଣ ଓଡ଼ିଶାର ଅଧିକାଂଶ ଜିଲ୍ଲାରେ ତାପମାତ୍ରା ୪୦ ଡିଗ୍ରୀ ଉପରେ ରହିବା ସହ ଉପକୂଳ ଓଡ଼ିଶାରେ ଅସହ୍ୟ ଗୁଳୁଗୁଳି ଅନୁଭୂତ ହେବ ।

ମେ’ ୩୦ ଯାଏଁ ଓଡ଼ିଶାରେ ଜାରି ରହିବ କାଳବୈଶାଖୀ, ୟେଲୋ ୱାର୍ଣ୍ଣିଂ ଜାରି

ଭିଜାଇବ କାଳବୈଶାଖୀ ବର୍ଷା,କେଉଁ ଜିଲ୍ଲାରେ ବର୍ଷିବ?