ଦିଲ୍ଲୀରୁ କାହିଁକି ମୁହଁ ମୋଡିଛି ମୌସୁମୀ ?

why rains elude many parts of the capital delhi?

ଗତ 30 ଜୁନରେ ଦେଶର ରାଜଧାନୀ ଦିଲ୍ଲୀରେ ଏଣ୍ଟ୍ରି କରିଥିଲା ମୌସୁମୀ(mansoon) । ହେଲେ ଏଯାଏଁ ବର୍ଷା(rain)ର ଦେଖା ଦର୍ଶନ ନାହିଁ । ଏମିତି ଲାଗୁଛି ଯେମିତି ଦିଲ୍ଲୀ ଉପରେ ରାଗିଛି ମୌସୁମୀ । ପାଣିପାଗ ବିଭାଗ(imd) ମଧ୍ୟ ପୂର୍ବାନୁମାନ କରିବାରେ ବିଫଳ ।

ମୌସୁମୀର ଗତିବିଧି ଜାଣିବା ବର୍ତ୍ତମାନ ଜଟିଳ ପ୍ରକ୍ରିୟା ବୋଲି ଧରି ନେଇଛନ୍ତି ବିଶେଷଜ୍ଞ । ଏଭଳିସ୍ଥିତିରେ ରାଜଧାନୀରେ ବର୍ଷା ନ ହେବା ନେଇ ସାମ୍ନାକୁ ଆସିଛି ପାକିସ୍ତାନ କନେକସନ । ଦିଲ୍ଲୀର କିଛଇ ସ୍ଥାନରେ ଗତ 10 ଦିନ ମଧ୍ୟରେ ମାତ୍ର 2.6 ମିମି ବର୍ଷା ରେକର୍ଡ କରାଯାଇଛି । ଜୁନ ପହିଲାରୁ ମୌସୁମୀ ଆରମ୍ଭ ହେବା ପରଠୁ ବର୍ଷାର ପରିମାଣ କମ ରହିଛି ।

30 ଜୁନରେ ପ୍ରଥମ ଥର ପ୍ରବଳ ବର୍ଷା ପରେ ଅରେଞ୍ଜ ଆଲର୍ଟ ଜାରି କରିଥିଲା ଭାରତୀୟ ପାଣିପାଗ ବିଭାଗ । 1 ଜୁଲାଇରେ ଦିଲ୍ଲୀରେ ମଧ୍ୟମ ଧରଣର ବର୍ଷାର ଚେତାବନୀ ଦିଆଯାଇଥିଲା । ଏହା ବ୍ୟତୀତ ଆଗାମୀ 6 ଦିନ ପାଇଁ ହାଲୁକା ବର୍ଷା ନେଇ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଥିଲା । ଏହାପରେ 3 ଦିନ(ଜୁଲାଇ 1ରୁ ଜୁଲାଇ 3) ମାତ୍ର 2 ମିମି ବର୍ଷା ହୋଇଛି । ସେହିପରି ପାଣିପାଗ କାର୍ଯ୍ୟାଳୟ 4 ଜୁଲାଇ ଓ 5 ଜୁଲାଇ ପାଇଁ ୟେଲୋ ଆଲର୍ଟ ଓ 6 ଜୁଲାଇ ପାଇଁ ଅରେଞ୍ଜ ଆଲର୍ଟ ଜାରି କହିଥିଲା । ଏହାକୁ ପରେ 7 ଜୁଲାଇକୁ ଘୁଞ୍ଚାଇ ଦିଆଯାଇଥିଲା । ହେଲେ ଏହି ସମୟରେ ବର୍ଷାର ଚିହ୍ନବର୍ଣ୍ଣ ଦେଖିବାକୁ ମିଳିନି ।

ବିଶେଷଜ୍ଞମାନେ ବର୍ଷା ଅନୁପସ୍ଥିତି ମଧ୍ୟ ଭାରତ ଆଡକୁ ମୌସୁମୀର ଅଗ୍ରଗତିର କାରଣ ବୋଲି କହିଛନ୍ତି । ସମ୍ବାଦ ସରବରାହ ସଂସ୍ଥା ପିଟିଆଇ ଅନୁଯାୟୀ, ଜୁଲାଇ 9 ଏବଂ 10 ରେ ପଶ୍ଚିମ ଉତ୍ତରପ୍ରଦେଶ, ପଞ୍ଜାବ, ହରିୟାଣା, ଚଣ୍ଡିଗଡ଼, ଦିଲ୍ଲୀ ଏବଂ ରାଜସ୍ଥାନରେ ସ୍ବଳ୍ପରୁ ମଧ୍ୟମ ବର୍ଷା ହେବା ନେଇ ପୂର୍ବାନୁମାନ କରିଥିଲା ପାଣିପାଗ ବିଭାଗ । ହେଲେ ଏଯାଏଁ ସେଭଳି ବର୍ଷା ହୋଇନାହିଁ ।

ଆଶା କରାଯାଉଥିଲା ଯେ ମୌସୁମୀ ଲୋପ୍ରେସର କମିବା ପରେ ମୌସୁମୀ ଟ୍ରଫ ପୂନର୍ବାର ଉତ୍ତର ଦିଗକୁ ଗତି କରିବ । ହେଲେ ଗତ 24 ଘଣ୍ଟାରୁ ଦକ୍ଷିଣ ପଶ୍ଚିମ ରାଜସ୍ଥାନ ଓ ଦକ୍ଷିଣ ପାକିସ୍ତାନ ଆଖପାଖ ଅଞ୍ଚଳରେ ସୃଷ୍ଟି ଏକ ଘୁର୍ଣ୍ଣିବଳୟ ଏଭଳି ହେବାକୁ ଦେଉନାହିଁ ।

ଗର୍ଜୁଛି ବାଦଲ, ଅଧା ଭାରତରେ ଜଳପ୍ରଳୟ

ମୌସୁମୀ ସକ୍ରିୟ, ଆହୁରି ୫ ଦିନ ଯାଏଁ ପ୍ରବଳ ବର୍ଷା