ବ୍ୟବସାୟିକ ଭିତ୍ତିରେ ଡାଲଚିନି ଚାଷ କରି ରୋଜଗାର କରନ୍ତୁ ଲକ୍ଷ ଲକ୍ଷ ଟଙ୍କା

Cinnamon sweet wood cultivation and farming

ଭାରତରେ କେରଳ ( keral )  ଏବଂ ତାମିଲନାଡୁରେ( tamilnadu )  ଡାଲଚିନି ( cinnamon )ଚାଷ କରାଯାଏ  । ଏହାକୁ ମସଲା ( spices)  ଏବଂ ଔଷଧ ( medicines ) ଭାବରେ ବ୍ୟବହୃତ ହୁଏ  ।  ଏହି ଫସଲ ଗଛର ଶୁଖିଲା ବକଳ ଆକାରରେ ମିଳିଥାଏ  | ଏହାର ପତ୍ରଗୁଡିକ ତେଜପତ୍ର ପରି ବ୍ୟବହାର କରାଯାଏ | ଡାଲଚିନି  ବାଦାମୀ ରଙ୍ଗର , ସୁଗନ୍ଧିତ ନରମ ଏବଂ ଚିକ୍କଣ ହୋଇଥାଏ ଦେଖିବା ପାଇଁ , ଯାହା ଖାଦ୍ୟରେ ସ୍ବାଦ ମିଶାଇବା ସହିତ ବ୍ୟାଧି, ଦାନ୍ତ ଯନ୍ତ୍ରଣା, ମୁଣ୍ଡବିନ୍ଧା, ଚର୍ମ ରୋଗ, ଭୋକ ନ ହେବା ଏବଂ ଋତୁସ୍ରାବ ଜନିତ ସମସ୍ୟାରୁ ମୁକ୍ତି ଦେଇଥାଏ  ।

ଏହାର ଅନେକ ଗୁଣ ଯୋଗୁଁ ଡାଲଚିନି ପ୍ରତ୍ୟେକ ଋତୁରେ ( every season ) ଚାହିଦା ରହିଥାଏ  । ଡାଲଚିନି ଏକ ସାଧାରଣ ଉଚ୍ଚତା ବିଶିଷ୍ଟ ଚିରହରିତ ବୃକ୍ଷ ଅଟେ ।  ଜାମାଇକା, ବ୍ରାଜିଲ ଓ ସେଚିଲସ ପ୍ରଭୃତି ଦେଶମାନଙ୍କରେ ବହୁଳ ପରିମାଣରେ ଚାଷ କରାଯାଏ ।

ଡାଲଚିନି ଭାରତ ରେ ଦେଖାଯାଉଥିବା ୧୭ ପ୍ରକାର ମସଲା ଜାତୀୟ ବୃକ୍ଷ ମଧ୍ୟରୁ ଅନ୍ୟତମ  । ମୁଖ୍ୟତଃ ମସଲା ଶିଳ୍ପ ଓ ଆୟୁର୍ବେଦୀୟ ଔଷଧ ପ୍ରସ୍ତୁତି ବ୍ୟବହାର କରାଯାଉଥିବାରୁ ଉଭୟ ଦେଶୀୟ ଓ ବିଦେଶ ବଜାରରେ ଏହାର ଚାହିଦା ଅଧିକ ରହିଛି  । ବ୍ୟବସାୟିକ ଭିତ୍ତିରେ ଏହି ବୃକ୍ଷକୁ ଅଧିକ ପରିମାଣରେ ରୋପଣ କରାଗଲେ ଏଥିରୁ ଦୀର୍ଘକାଳୀନ ଆର୍ଥିକ ଲାଭ ମିଳିଥାଏ  । ଲକ୍ଷ ଲକ୍ଷ ଟଙ୍କା ଲାଭ ପାଇ ପାରିବ ଜଣେ ଚାଷୀ ଏହି ଚାଷ କରିବ ଦ୍ୱାରା  ।

ଡାଲ ଚିନି ମଧ୍ୟମ ଉଚ୍ଚତା ବିଶିଷ୍ଟ ସୁଗନ୍ଧଯୁକ୍ତ ଚିରହରିତ ବୃକ୍ଷ ଅଟେ  ।  ଏହି ବୃକ୍ଷର ଛାଲ ସାମାନ୍ୟ ମୋଟା, ଚିକ୍କଣିଆ ଏବଂ ଧୂସର ରଙ୍ଗ ବିଶିଷ୍ଟ ହୋଇଥାଏ ଦେଖିବାକୁ  । ଗଛର ପ୍ରଧାନ ଡାଲ ସିଧା ବଢିବା ସମୟରେ ଶାଖା ଓ ପ୍ରଶାଖା ଡାଳଗୁଡିକ ଗଛକୁ ସମାନ ବ୍ୟାସ ବ୍ୟବଧାନରେ ଚତୁଃପାର୍ଶ୍ଵକୁ ମୂଳଠାରୁ ଅଗ ପର୍ଯ୍ୟନ୍ତ ସମତାଳ ଦେଇ ବଢିବାରେ ଲାଗେ  । ପ୍ରଥମେ ଗଛରୁ ରଙ୍ଗୀନ ଯଥା ଲାଲ, ଫିକା, ଫିକା ସବୁଜ କିମ୍ବା ଫିକା ହଳଦିଆ ରଙ୍ଗର ପତ୍ର ବାହାରେ ଓ ପରେ ଗାଢ ସବୁଜ ରଙ୍ଗ ହୋଇଥାଏ  । ଏହି ଗଛ ରେ ଫୁଲ ପେନ୍ଥା ପେନ୍ଥା ହୁଏ ଓ ଅତି ସୁଗନ୍ଧଯୁକ୍ତ ଅଟେ ଏହି ଫୁଲ ।

ଉଷ୍ଣ ଓ ଆଦ୍ର ଜଳବାୟୁ ଡାଲଚିନି ବୃକ୍ଷ ଚାଷ ପାଇଁ ଉପଯୁକ୍ତ ଅଟେ । ସମୁଦ୍ରକୂଳବର୍ତ୍ତୀ ଅଞ୍ଚଳମାନଙ୍କରେ ମଧ୍ୟ ଏହି ଗଛ ଭଲ ବଢିଥାଏ  । ସେଥିପାଇଁ ଦକ୍ଷିଣ ଭାରତରେ ଏହି ଗଛ ଅଧିକ ପରିମାଣରେ ଦେଖାଯାଇଥାଏ  । ମୃତ୍ତିକାକୁ ବିଚାର କଲେ ବାଲିଆ ଦୋରସା ଓ ହାଲୁକା ମାଟି ଡାଳଚିନି ଗଛ ପାଇଁ ଉପଯୁକ୍ତ ଅଟେ  । ଡାଲଚିନି ଗଛର ମଞ୍ଜିଦ୍ଵାରା ନୂତନ ଗଛ ତିଆରି ହୁଏ  । କିନ୍ତୁ ଏହି ଗଛର ଫୁଲରୁ ଫଳ ହେବାପାଇଁ ପ୍ରାୟ ସଂପୂର୍ଣ୍ଣ ପରାଗ ଉପରେ ନିର୍ଭର କରୁଥିବାରୁ ମଞ୍ଜିରୁ ତିଆରି ଭିନ୍ନ ଭିନ୍ନ ପ୍ରକାର ଓ ଗୁଣର ମସଲା ମିଳିଥାଏ  । ଡାଲଚିନି  ଲଗାଯାଇଥିବା ଜମିରେ ପ୍ରଥମ ୨ ବର୍ଷ ପର୍ଯ୍ୟନ୍ତ ଦୁଇ ଗଛର ମଝିରେ ଖାଲିପଡିଥିବା ଜମିରେ ମୁଗ, ବିରି, ହରଡ, ଅଦା ଓ ହଳଦୀ ଆଦି ଚାଷ କରାଯାଇପାରିବ ।

ଜମି ଓ ସାର ପରିଚାଳନା -

-ଜମିକୁ ସଫା କରିବା ପରେ ୫୦ ସେମି ଲମ୍ବ ଏବଂ ପ୍ରସ୍ଥର ଗର୍ତ୍ତ ପ୍ରସ୍ତୁତ କରନ୍ତୁ ,ଗାତ ମଧ୍ୟରେ ଦୂରତା ୩ ମିଟର ରଖନ୍ତୁ

-ଜୁନ୍-ଜୁଲାଇ ମାସରେ ଉଦ୍ଭିଦ ଲଗାନ୍ତୁ ,ଅଗଷ୍ଟ-ସେପ୍ଟେମ୍ବରରେ ଉଦ୍ଭିଦଗୁଡିକୁ ଛେଦନ କରି ସାଇଜ୍ କରନ୍ତୁ

-ଗାତ ଭରିବାବେଳେ ପ୍ରତ୍ୟେକ ଗର୍ତ୍ତରେ 20 କିଲୋଗ୍ରାମ ସାର କିମ୍ବା ଖତ ମିଶାନ୍ତୁ

-ପ୍ରଥମ ବର୍ଷରେ, ପ୍ରତି ଗଛରେ ୪୦ ୟୁରିଆ, ୧୧୫ ସିଙ୍ଗଲ୍ ସୁପର ଫସଫେଟ୍ ଏବଂ ୪୫ଗ୍ରାମ ଏମ୍ଓପି ପ୍ରୟୋଗ କରନ୍ତୁ

-ଗ୍ରୀଷ୍ମ ଋତୁରେ ୨୫ କିଲୋଗ୍ରାମ ସବୁଜ ପତ୍ର ଘୋଡାଇବା ଏବଂ ୨୫ କିଲୋଗ୍ରାମ  ଖତ ପ୍ରୟୋଗ କରନ୍ତୁ

-ଏହି କ୍ରମରେ ପ୍ରତିବର୍ଷ ସାରର ପରିମାଣ ବଢାନ୍ତୁ

ଡାଲଚିନି ଗଛ ଚାଷରୁ ଏକର ପିଛା ୧୦୦ କିଗ୍ରା ଡାଲଚିନି ମସଲା ଓ ୪୦ କିଗ୍ରା ଡାଲଚିନି ପତ୍ର ଓ ତେଲ ମିଳିଥାଏ । ଉନ୍ନତ ପ୍ରଣାଳୀରେ ଚାଷ କଲେ ବର୍ଷକୁ ପ୍ରାୟ ୧୦,୦୦୦ ଟଙ୍କା ଲାଭ ହୋଇଥାଏ ଏହି ଚାଷରେ  । ଡାଲଚିନି ଚାଷ ମଝିରେ ଅନ୍ୟ ଫସଲ କରି ଏଥିରୁ ଅଧିକ ଲାଭ ଉପାର୍ଜନ କରିହେବ ।

ହାଇ ବ୍ଲଡପ୍ରେସର ସମସ୍ୟାରୁ ମୁକ୍ତି ଦେବ ଡାଲଚିନି ଚା'

ବ୍ୟବସାୟିକ ଭିତିରେ କରନ୍ତୁ ଡାଳଚିନି ଚାଷ