ଜାମୁକୋଳି ମଞ୍ଜି ଭଲ କରିଥାଏ ଏହି ସବୁ ବଡ଼ ବଡ଼ ରୋଗ...

Health benefits of jamun seeds...pic credit: www.pexels.com

ଜାମୁକୋଳି ଏକ ଋତୁକାଳୀନ ଫଳ । ବର୍ଷା ଋତୁ ଆସିଲେ ଗଛରେ ଜାମୁକୋଳି ବହୁଳ ମାତ୍ରାରେ ଦେଖିବାକୁ ମିଳିଥାଏ ।ଏହି ଋତୁରେ ଜାମୁକୋଳି ବହୁତ ଆନନ୍ଦରେ ଖାଇଥାନ୍ତି ।ଦେଖାଯାଏ ଯେ ଅନେକ ଲୋକ ଜାମୁକୋଳି ଖାଇବା ପରେ ତାର ମଞ୍ଜିକୁ ଅଦରକାରୀ ଭାବରେ ଫୋପାଡ଼ି ଦେଇଥାନ୍ତି । କିନ୍ତୁ ଆପଣ ଜାଣିଛନ୍ତି କି ଜାମୁକୋଳି ମଞ୍ଜି ସ୍ୱାସ୍ଥ୍ୟ ପାଇଁ କେତେ ଉପକାରୀ। ଜାମୁକୋଳି ମଞ୍ଜିରୁ ପାଉଡର ତିଆରି କରି ଏହାକୁ ବ୍ୟବହାର କରିପାରିବେ ।

ଏହି ପାଉଡର ଆପଣଙ୍କୁ ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟାରୁ ରକ୍ଷା କରିବାରେ ସାହାଯ୍ୟ କରିଥାଏ  ।ଏହି ମଞ୍ଚିରେ ଅନେକ ଔଷଧୀୟ ଗୁଣ ରହିଥାଏ । ଏହି ମଞ୍ଜିଗୁଡିକ ସ୍ୱାସ୍ଥ୍ୟ ପାଇଁ ଅନେକ ଲାଭଦାୟକ ଅଟେ ।ଏହି ମଞ୍ଜିରୁ ପ୍ରସ୍ତୁତ ପାଉଡର ଅନେକ ରୋଗ ପାଇଁ ରାମବାଣ ଭାବରେ କାମ କରିଥାଏ । ତେବେ ଆସନ୍ତୁ ଜାଣିବା ଯେ କେଉଁ ରୋଗଥିଲେ ଆପଣ ଜାମୁକୋଳି ମଞ୍ଜିର ପାଉଡରକୁ ବ୍ୟବହାର କରି ଏଥିରୁ ଆଶ୍ୱସ୍ତି ପାଇପାରିବେ ।

ମଧୁମେହ-

ଜାମୁକୋଳି ମଞ୍ଜିର ପାଉଡର ବ୍ୟବହାର କରିବା ଦ୍ୱାରା ଏହା ଆପଣଙ୍କ ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହିଥାଏ । ମଧୁମେହ ରୋଗୀଙ୍କ ପାଇଁ ଏହି ପାଉଡର ଖୁବ୍ ଲାଭଦାୟକ ଅଟେ । ଆପଣ ଏକ ଗ୍ଲାସ୍ ପାଣିରେ ୧ ଚାମଚ ଜାମୁକୋଳି ମଞ୍ଜି ଗୁଣ୍ଡ ମିଶାଇ ପିଇବା ଦ୍ୱାରା ଏହା ଶରୀରରେ ମଧୁମେହ ରୋଗକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ।

ପେଟ ସମ୍ବନ୍ଧୀୟ ରୋଗ-

ଜାମୁକୋଳି ମଞ୍ଜି ଗୁଣ୍ଡରୁ ପ୍ରସ୍ତୁତ ପାଉଡର ଆପଣଙ୍କ ପେଟ ପାଇଁ ମଧ୍ୟ ଲାଭଦାୟକ ଅଟେ ।କୋଷ୍ଠକାଠିନ୍ୟ, ବଦହଜମି ଏବଂ ଅମ୍ଳତା ସମସ୍ୟାରୁ ଏହା ଆପଣଙ୍କୁ ଆରାମ ଦେବାରେ ସାହାଯ୍ୟ କରିଥାଏ । ଏହା ଆପଣଙ୍କ ପେଟକୁ ସଫା ରଖିଥାଏ ।ଜାମୁକୋଳି ମଞ୍ଜି ପାଉଡର ସହିତ ହଜମ ପ୍ରକ୍ରିୟା ମଧ୍ୟ ସୁସ୍ଥ ରହିଥାଏ ।

ମାନସିକ ସ୍ୱାସ୍ଥ୍ୟ-

ଏହି ପାଉଡର ଆପଣଙ୍କ ମାନସିକ ସ୍ୱାସ୍ଥ୍ୟ ପାଇଁ ମଧ୍ୟ ଭଲ ଅଟେ । ଏହା ଥକ୍କାପଣ ଏବଂ ଚାପଗ୍ରସ୍ତ ଦୂର କରିବାରେ ସାହାଯ୍ୟ କରିଥାଏ । ଆପଣ ଜାମୁକୋଳି ମଞ୍ଜିରୁ ଏକ ଡିକୋକ୍ସନ୍ ମଧ୍ୟ ପିଇପାରିବେ ।ଏହା ଆପଣଙ୍କୁ ମାନସିକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଦୂର କରିଥାଏ ।

ବିଷାକ୍ତ-

ଆପଣ ଏହି ପାଉଡରକୁ ଡିକୋସନ୍ କିମ୍ବା ପାଣିରେ ନେଇପାରିବେ । ଏହା ଆପଣଙ୍କ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରିଥାଏ ।ଏହି ଡିକୋସନ୍ ପିଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ଏହା ଆପଣଙ୍କ ଶରୀରକୁ ମୁକ୍ତ ରେଡିକାଲରୁ ମଧ୍ୟ ରକ୍ଷା କରିଥାଏ ।

କଣ ଆପଣଙ୍କୁ ରାତିରେ ଭଲ ନିଦ ହେଉନାହିଁ ? ଆପଣାନ୍ତୁ ଏହି ଉପାୟ