ହଠାତ୍ କାହିଁକି ହୋଇଥାଏ ହୃଦଘାତ, ଜାଣନ୍ତୁ ଏହା ପଛର କାରଣ....

sudden heart attack...pic credit: www.pexels.com

ଚଳଚ୍ଚିତ୍ର ଏବଂ ଟିଭି ଦୁନିଆରେ ଦିନକୁ ଦିନ ହୃଦଘାତର ଘଟଣା ବୃଦ୍ଧିପାଇବାରେ ଲାଗିଛି । ପୂର୍ବରୁ ଅଭିନେତ୍ରୀ ସୁସ୍ମିତା ସେନଙ୍କର ହୃଦଘାତ ହୋଇଥିଲା। ଯଦିଓ ବର୍ତ୍ତମାନ ସେ ସମ୍ପୂର୍ଣ୍ଣ ଭଲ ଅଛନ୍ତି ।ପରେ ଅଭିନେତା ତଥା ନିର୍ଦ୍ଦେଶକ ସତୀଶ କୌଶିକଙ୍କର ହୃଦଘାତରେ ମୃତ୍ୟୁ ଘଟିଥିଲା। ହୋଲି ଉତ୍ସବ ପାଳନ କରୁଥିବାବେଳେ ସତୀଶ କୌଶିକ ତାଙ୍କର କିଛି ଫଟୋ ସୋସିଆଲ ମିଡିଆରେ ପୋଷ୍ଟ କରିଥିଲେ, ଯେଉଁଥିରେ ସେ ବହୁତ ସୁସ୍ଥ ଏବଂ ଫିଟ୍ ଦେଖାଯାଉଥିଲେ। ତେବେ କିଛି ଘଣ୍ଟା ପରେ ହଠାତ୍ ହୃଦଘାତ ହୋଇ ତାଙ୍କର ମୃତ୍ୟୁ ଘଟିଥିଲା।

ଏହା ପ୍ରଥମ ଘଟଣା ନୁହେଁ ଯେ ହୃଦଘାତ ଯୋଗୁଁ ଜଣେ କଳାକାରଙ୍କର ହଠାତ୍ ମୃତ୍ୟୁ ଘଟିଛି। ଏହାପୂର୍ବରୁ ସିଦ୍ଧାର୍ଥ ଶୁକ୍ଲା, ହାସ୍ୟ ଅଭିନେତା ରାଜୁ ଶ୍ରୀବାସ୍ତବ ଏବଂ ଗାୟକ କେ.କେ. ଏହି ସମସ୍ତ କଳାକାର ଫିଟ୍ ଏବଂ ସୁସ୍ଥ ଦେଖାଯାଉଥିବା ବାଳେ ତାଙ୍କ ମୃତ୍ୟୁ ଏତେ ହଠାତ୍ ଘଟିବ ବୋଲି କେହି କେବେ ଭାବି ନଥିଲେ। ଏହି ମାମଲାଗୁଡ଼ିକୁ ଦେଖି ବର୍ତ୍ତମାନ ପ୍ରଶ୍ନ ଉଠିଛି ଯେ ହୃଦଘାତର ଘଟଣା ଦିନକୁ ଦିନ କାହିଁକି ବୃଦ୍ଧି ପାଇବାରେ ଲାଗିଛି ।

ଯଦିଓ ଜଣେ ବ୍ୟକ୍ତି ଜିମ୍ କରୁଛନ୍ତି ଏବଂ ଦୈନିକ ବ୍ୟାୟାମ କରୁଛନ୍ତି, ତଥାପି କିଛି ଖରାପ ଅଭ୍ୟାସ ହୃଦଘାତର ଆଶଙ୍କା ସୃଷ୍ଟି କରିପାରେ । ଯଦି ତୁମର ହାର୍ଟ ସୁସ୍ଥ ତେବେ ତୁମର ଶରୀର ମଧ୍ୟ ସୁସ୍ଥ ରହିବ, କିନ୍ତୁ ଯଦି ହୃଦୟ ସୁସ୍ଥ ନଥାଏ ତେବେ ସେମାନଙ୍କ କ୍ଷେତ୍ରରେ ହୃଦରୋଗର ଆଶଙ୍କା ବୃଦ୍ଧି ପାଇବାରେ ଲାଗିଥାଏ ।  ଆସନ୍ତୁ ଜାଣିବା ହୃଦଘାତର କାରଣ କ’ଣ ହୋଇପାରେ ।

୧.ଉଚ୍ଚ ରକ୍ତଚାପ-

ଉଚ୍ଚ ରକ୍ତଚାପର ସମସ୍ୟା ଅର୍ଥାତ୍ ଆପଣଙ୍କୁ ଉଚ୍ଚ ରକ୍ତଚାପ ଥିଲେ ଏହା ହୃଦରୋଗ ଜନିତ ସମସ୍ୟା ସୃଷ୍ଟି କରିଥାଏ । ଉଚ୍ଚ ରକ୍ତଚାପ ହୃଦୟ ପାଇଁ ଏକ ବଡ଼ ବିପଦ ।ଏହା ରକ୍ତ ନଳୀକୁ ନଷ୍ଟ କରିବାର ସମ୍ଭାବନା ରହିଥାଏ । ଏହି କାରଣରୁ, ଧମନୀଗୁଡ଼ିକର ନମନୀୟତା କମିବା ଆରମ୍ଭ କରେ ଏବଂ ରକ୍ତ ପ୍ରବାହ ବୃଦ୍ଧି ହେତୁ ଅମ୍ଳଜାନ ଏବଂ ରକ୍ତ ହୃଦୟରେ ଶୀଘ୍ର ପହଞ୍ଚିଯାଏ ।ଯେତେବେଳେ ଏପରି ପରିସ୍ଥିତି ଘଟେ, ହଠାତ୍ ହୃଦଘାତ ହେବାର ଆଶଙ୍କା ସୃଷ୍ଟି ହୋଇଥାଏ ।

 

୨.ଉଚ୍ଚ କୋଲେଷ୍ଟ୍ରଲ-

ସମସ୍ତଙ୍କର ଶରୀରରେ ଭଲ କୋଲେଷ୍ଟ୍ରଲ ଏବଂ ଖରାପ କୋଲେଷ୍ଟ୍ରଲ ଥାଏ । ଖରାପ କୋଲେଷ୍ଟ୍ରଲ ହେଉଛି ଏକ ଚର୍ବିଯୁକ୍ତ ପଦାର୍ଥ, ଯାହା ଧମନୀରେ ଗଚ୍ଛିତ ହୋଇଥାଏ ।ଏହି କାରଣରୁ, ରକ୍ତ ପ୍ରବାହରେ ବାଧା ସୃଷ୍ଟି ହୋଇଥାଏ, ଯେଉଁ କାରଣରୁ ଶରୀରର ଅନେକ ସ୍ଥାନରେ ରକ୍ତ ଯୋଗାଣ ଠିକ୍ ଭାବରେ ହୋଇନଥାଏ । ରକ୍ତ ପ୍ରବାହରେ ବାଧା ହେତୁ ଶରୀରର ଅନେକ ସ୍ଥାନରେ ଯନ୍ତ୍ରଣା ଅନୁଭବ ହେବାକୁ ଲାଗେ, ଯାହା ଅନେକ ଥର ତୀବ୍ର ମଧ୍ୟ ହୋଇଥାଏ । ଉଚ୍ଚ କୋଲେଷ୍ଟ୍ରଲ ରକ୍ତକୁ ହୃଦୟରେ ସଠିକ୍ ଭାବରେ ପହଞ୍ଚିବାକୁ ଦେଇନଥାଏ, ଯାହା ହଠାତ୍ ହୃଦଘାତର ଆଶଙ୍କା ବଢ଼ାଇବାକୁ ଲାଗିଥାଏ ।

୩.ଧୁମ୍ରପାନ-

ଅତ୍ୟଧିକ ଧୂମ୍ରପାନ ହୃଦଘାତ ଜନିତ ରୋଗ ସହିତ ହଠାତ୍ ହୃଦଘାତର ଆଶଙ୍କା ସୃଷ୍ଟି କରିଥାଏ ।ଧୂମ୍ରପାନ ଦ୍ୱାରା ଧମନୀ ଭିତରେ ରକ୍ତ ଜମାଟ ବାନ୍ଧିହୋଇ ରହିଥାଏ । ଏହା ଧମନୀ ଫଙ୍କସନରେ ବାଧା ସୃଷ୍ଟି କରିପାରେ ଏବଂ ହଠାତ୍ ହୃଦଘାତର କାରଣ ମଧ୍ୟ ହୋଇପାରେ ।

୪.ମେଦବହୁଳତା-

ମୋଟାପଣ ଅନେକ ବିପଜ୍ଜନକ ରୋଗର ଆଶଙ୍କା ସୃଷ୍ଟି କରିଥାଏ । କେବଳ ହୃଦଘାତ ନୁହେଁ କର୍କଟ, ଉଚ୍ଚ ରକ୍ତଚାପ, ମଧୁମେହ ଭଳି ରୋଗ ମଧ୍ୟ ଶରୀରରେ ସୃଷ୍ଟି କରିଥାଏ । ମୋଟାପଣ ହେତୁ ଧମନୀ ଅବରୋଧ ହୋଇପାରେ ଏବଂ ହୃଦଘାତ ହେବାର ସମ୍ଭାବନା ବଢ଼ିଯାଇଥାଏ ।

ସକାଳ ଭୋଜନକୁ କରନ୍ତୁନି ଅଣଦେଖା, ଜାଣନ୍ତୁ ଏହାର ୫ଟି ଫାଇଦା...