side effects of eating Oranges
ଆମେ ସାଧାରଣତଃ ଫଳ ମାନଙ୍କ ମଧ୍ୟରୁ କମଳା (Oranges) ଖାଇବାକୁ ପସନ୍ଦ କରୁ । ସହରର ପ୍ରତ୍ୟକ ବଜାରରେ ଏହା ସହଜରେ ଉପଲବ୍ଧ ମଧ୍ୟ ହୋଇଥାଏ । ତେବେ କମଳା (Oranges)ସ୍ୱାସ୍ଥ୍ୟ ପାଇଁ ଲାଭଦାୟୀ ହୋଇଥିବା ସତ୍ତ୍ୱେ ଏହା ବେଳେବେଳେ ବିପଦ ମଧ୍ୟ ସାଜିପାରେ ।
କୋରୋନା ସମୟରେ କମଳା (Oranges) ବହୁମାତ୍ରାରେ ବିକ୍ରି ହୋଇଥିଲା । କାରଣ ଏଥିରେ ଭିଟାମିନ ସି, ଫାଇବର, ଟିମିନ ଏ ଏବଂ ବି, ପୋଟାସିୟମ, କ୍ୟାଲସିୟମ୍, ମ୍ୟାଗ୍ନେସିୟମ, ଫସ୍ଫରସ ଇତ୍ୟାଦି ପୋଷକ ତତ୍ତ୍ୱ ରହିଥାଏ, ଯାହା ଶରୀରକୁ ସୁସ୍ଥ ରଖିବାରେ ଅତ୍ୟନ୍ତ ଲାଭଦାୟକ । କିନ୍ତୁ ଅତ୍ୟଧିକ କମଳା ଖାଇବା ଦ୍ୱାରା ଅନେକ ପ୍ରକାରର ସମସ୍ୟା ସୃଷ୍ଟି ହୋଇପାରେ ।
ଏହି ୫ ସମସ୍ୟା ଥିବା ଲୋକ କମଳା ଖାଇବା ଅନୁଚିତ୍,ଜାଣନ୍ତୁ...
ପେଟ ସମସ୍ୟା ଥିଲେ ଖାଆନ୍ତୁ ନାହିଁ କମଳା
ପେଟ ଜନିତ ସମସ୍ୟା ଥିଲେ ତୁରନ୍ତ କମଳା (Oranges) ଖାଇବା ଅନୁଚିତ୍ । କାରଣ କମଳା ଖାଇବା ଦ୍ୱାରା ପେଟରେ ଏସିଡିଟି ବଦହଜମି ଭଳି ସମସ୍ୟା ସୃଷ୍ଟି ହୋଇଥାଏ । ଆହୁରି ମଧ୍ୟ କମଳାରେ ଥିବା ଫାଇବର ଡାଇରିଆ ଭଳି ସମସ୍ୟାରେ ଆକ୍ରାନ୍ତ ହେବାକୁ ପଡ଼ିପାରେ ।
ଦାନ୍ତ ଖରାପ ଥିଲେ ଖାଆନ୍ତୁ ନାହିଁ କମଳା
କମଳା (Oranges) ଦାନ୍ତ ପାଇଁ କ୍ଷତିକାରକ । କମଳାରେ ଏସିଡ୍ ଥାଏ ଯାହାକି ଇନେମଲ ଏବଂ କ୍ୟାଲସିୟମ ସହିତ ମିଶି ସଂକ୍ରମଣ କରିଥିଲ । ଯେଉଁଥିରେ ଦାନ୍ତ ଧୀରେ ଧୀରେ ଖରାପ ହୋଇଥାଏ ।
ଏସିଡିଟି ଥିଲେ ଖାଆନ୍ତୁ ନାହିଁ କମଳା
ଏସିଡିଟି ପରି ସମସ୍ୟା ଥିଲେ, କମଳା (Oranges) ଖାଇବା କ୍ଷତିକାରକ । ଏହା ଦ୍ୱାରା ପେଟରେ ଗ୍ୟାସ ଏବଂ ଛାତିରେ ଯନ୍ତ୍ରଣା ଭଳି ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ ।
ଖାଲି ପେଟରେ ଖାଆନ୍ତୁ ନାହିଁ କମଳା
ଖାଲି ପେଟରେ କମଳା ଆଦୌ ହେଲେ ଖାଇବା ଅନୁଚିତ୍ । ଏହା ବ୍ୟତିତ ରାତିରେ କମଳା (Oranges) ଖାଇବା ଅନୁଚିତ୍ । କାରଣ ରାତିରେ କମଳା ଖାଇବା ଦ୍ୱାରା ଥଣ୍ଡା ହୋଇପାରେ ।
ବିଶେଷଜ୍ଞଙ୍କ ଅନୁଯାୟୀ, ଶିଶୁମାନେ କମଳା (Oranges)ଖାଇବା ଅନୁଚିତ୍ । କାରଣ କମଳାରେ ଏସିଡ୍ ଥାଏ, ଯାହାକି ପେଟ ସମସ୍ୟା ସୃଷ୍ଟି କରିପାରେ ।
ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି କମଳା (Oranges) ଖାଆନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।
ପ୍ରକାଶ ଥାଉ ଯେ, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ହିଁ ନିଶ୍ଚିତ ଭାବରେ ଡାକ୍ତରଙ୍କ ହିଁ ପରାମର୍ଶ ନିଅନ୍ତୁ ।
Share your comments