ଦେଖାଯାଉଛି ଏହି ସବୁ ଲକ୍ଷଣ, ତାହେଲେ ଆପଣଙ୍କୁ ହୋଇଛି ଡେଙ୍ଗୁ...

Symptoms of Dengue ..pic credit:www.pexels.com

ବର୍ଷା ଋତୁ ଆସୁ ଆସୁ ଏବେ ଡେଙ୍ଗୁର ପ୍ରଭାବ ବଢ଼ିବାରେ ଲାଗିଛି । ବିଶେଷଜ୍ଞମାନେ କହିଛନ୍ତି ଯେ ଏହି ରୋଗ ପାଇଁ ଏହି ଋତୁ ଅନୁକୂଳ ଅଟେ। ବର୍ଷା ହେତୁ ଅନେକ ସ୍ଥାନରେ ପାଣି ଭର୍ତ୍ତି ହୋଇଯାଇଛି । ଏବେ ମଶା ପ୍ରଜନନ ଆରମ୍ଭ ହୋଇଛି। ଏଭଳି ପରିସ୍ଥିତିରେ ଆଗାମୀ ଦିନରେ ଡେଙ୍ଗୁ ସଂକ୍ରମଣ ବୃଦ୍ଧି ପାଇବା ଆଶଙ୍କା ପ୍ରକଟ କରାଯାଇଛି। ଦୁର୍ବଳ ରୋଗ ପ୍ରତିରୋଧକ ଶକ୍ତିରେ ପୀଡିତ ଲୋକମାନେ ଅଧିକ ବିପଦରେ ପଡ଼ିପାରନ୍ତି ।ଡେଙ୍ଗୁ ସହିତ ମୁକାବିଲା କରିବା ପାଇଁ, ବର୍ତ୍ତମାନଠାରୁ ସଚେତନତା ଅବଲମ୍ବନ କରିବା ଆବଶ୍ୟକ । ଯଦି ଏହାକୁ ଆଣଦେଖା କରାଯାଏ ତେବେ ଅଧିକ ଡେଙ୍ଗୁ ବ୍ୟାପିବାର ଆଶଙ୍କା ରହିଥାଏ ।

ଜଣେ ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି ଯେ ପ୍ରାରମ୍ଭରୁ ଡେଙ୍ଗୁ ରୋଗର ଲକ୍ଷଣ ସାମାନ୍ୟ ରହିଥାଏ । ଏଥିରେ ପ୍ରଥମେ ଜ୍ୱର ହୋଇଥାଏ କିନ୍ତୁ କିଛି ଲୋକଙ୍କଠାରେ ଏହି ରୋଗ ସାଂଘାତିକ ରୂପ ନେଇପାରେ । ଜ୍ୱର ହେବା ପରେ ଏହା ଅନେକ ଦିନ ପର୍ଯ୍ୟନ୍ତ ରହିଥାଏ ।ପ୍ରବଳ ମୁଣ୍ଡବିନ୍ଧା ମଧ୍ୟ ହୋଇପାରେ ।ଜ୍ୱର ସହିତ ଶରୀରରେ ଦାଗ ବାହାରିବା ଆରମ୍ଭ ହୋଇଥାଏ । ଏହି ଲକ୍ଷଣଗୁଡ଼ିକୁ ଅଣଦେଖା କରାଯିବା ଆଦୌ ଉଚିତ୍ ନୁହେଁ ।

ଡେଙ୍ଗୁ ଷ୍ଟ୍ରେନ୍‌ରେ ପରିବର୍ତ୍ତନ ଆସିଛି। କେତେକ ଷ୍ଟ୍ରେନ୍ ଅତ୍ୟନ୍ତ ବିପଜ୍ଜନକ ।ଜଣେ ବ୍ୟକ୍ତି ଯିଏ ଥରେ ଡେଙ୍ଗୁ ପାଆନ୍ତି, ସେ ପୁଣି ଥରେ ପାଇପାରିବେ । ଦ୍ୱିତୀୟ ଥର ଏକ ନୂତନ ଷ୍ଟ୍ରେନର ସଂକ୍ରମଣ । ଏପରି ପରିସ୍ଥିତିରେ, ଡେଙ୍ଗୁ ଥରେ ହୋଇଗଲେ ଏହା ଆଉ ଘଟିବ ନାହିଁ ବୋଲି ଭାବନ୍ତୁ ନାହିଁ।

ଡେଙ୍ଗୁ ଶକ୍ ସିଣ୍ଡ୍ରୋମ ସାଂଘାତିକ ହୋଇପାରେ-

ବିଶେଷଜ୍ଞଙ୍କ କହିବା ଅନୁସାରେ ଡେଙ୍ଗୁ ହେତୁ ରୋଗୀମାନେ ଶକ୍ ସିଣ୍ଡ୍ରୋମ ହୋଇପାରନ୍ତି। ଏଥିରେ ରୋଗୀ ଥଣ୍ଡା ଅନୁଭବ କରନ୍ତି । ବିପି ହଠାତ୍ ବଢ଼ିବାକୁ ଲାଗିଥାଏ ଏବଂ ହତାଶ ଲାଗିଥାଏ । ଅନେକ ଅଙ୍ଗରେ ରକ୍ତ ସଞ୍ଚାଳନ ମଧ୍ୟ କମିଯାଏ ।ଅନେକ ରୋଗୀଙ୍କ କ୍ଷେତ୍ରରେ ହେମାଟୋକ୍ରାଇଟ୍ ସ୍ତର ମଧ୍ୟ ବୃଦ୍ଧି ପାଇଥାଏ । ଏହି କାରଣରୁ ଶରୀରରେ ରକ୍ତ ଜମାଟ ବାନ୍ଧିବା ଆରମ୍ଭ ହୁଏ। ଏପରି ପରିସ୍ଥିତିରେ, ଯଦି ଠିକ୍ ସମୟରେ ଚିକିତ୍ସା ଦିଆଯାଏ ନାହିଁ, ତେବେ ରୋଗୀ ମୃତ୍ୟୁ ମୁଖରେ ପଡ଼ିଥାଏ । ଲୋକଙ୍କୁ ପରାମର୍ଶ ଦିଆଯାଇଛି ଯେ ଯଦି ଡେଙ୍ଗୁ ଜ୍ୱର ତିନି ଦିନରୁ ଅଧିକ ସମୟ ଧରି ରହେ, ତେବେ ଏହି ପରିସ୍ଥିତିରେ ଡାକ୍ତରଖାନା ଯାଆନ୍ତୁ।

ଡେଙ୍ଗୁରୁ କିପରି ରକ୍ଷା କରିବେ-

-ଘର ଚାରିପାଖରେ ସଫା ରଖନ୍ତୁ

-କୁଲର, ହାଣ୍ଡି ଏବଂ ଘର ଚାରିପାଖରେ ପାଣି ରଖନ୍ତୁ ନାହିଁ

-ପୁରା ସ୍ଲିଭ୍ ଡ୍ରେସ ପିନ୍ଧନ୍ତୁ

-ରାତିରେ ଶୋଇବା ବେଳେ ମଶାରି ବ୍ୟବହାର କରନ୍ତୁ

ଜାଣନ୍ତୁ, ବର୍ଷା ଋତୁରେ କେତେ ଗ୍ଲାସ ପାଣି ପିଇବା ଆବଶ୍ୟକ..