ବରକୋଳି ଚାଷ କରି ରୋଜଗାର କରନ୍ତୁ ଲକ୍ଷ ଲକ୍ଷ ଟଙ୍କା...

Cultivation and Benefits of Jujube Fruits

ବରକୋଳି(jujube Fruit) ନାଁ ସୁଣିବା ମାତ୍ରେ ସମସ୍ତଙ୍କ ପାଟିରେ ଲାଳ ଆସିଯାଏ । ବାଳୁତଙ୍କଠୁ ଆରମ୍ଭ କରି ବୃଦ୍ଧ ବନିତା ସମସ୍ତଙ୍କୁ ବରକୋଳି ଖାଇବାକୁ ଖୁବ୍ ପସନ୍ଦ ।ଏହା ଏକ ପୁରାତନ ଓ ପୃଷ୍ଟିକର ଫଳ ଏବଂ ଏଥିରେ ବହୁ ପରିମାଣରେ ଭିଟାମିନ୍ ‘ସି’(Vitamin-C), ‘ଏ’ ଓ ‘ବି’ ଥାଏ। ବରକୋଳିରେ ଭଲ ଆଚାର ପ୍ରସ୍ତୁତ ହୁଏ। ଏହାର ଗଛ,ଡାଳ ଓ ପତ୍ର ହିନ୍ଦୁମାନଙ୍କର ପୂଜା, ବିବାହ ପ୍ରଭୃତ୍ତି ବିଭିନ୍ନ ପବିତ୍ର କର୍ମରେ ବ୍ୟବହୃତ ହୋଇଥାଏ ।

ଏହାର ଉତ୍ପତ୍ତି ସ୍ଥଳ ଭାରତ-ବର୍ମା ଅଞ୍ଚଳ ବୋଲି କୁହାଯାଏ। କେତେକଙ୍କ ମତରେ ଭାରତ ଛଡା ମାଲେସିଆ ଓ ଦକ୍ଷିଣ ପଶ୍ଚିମ ଚିନ୍ ରେ ମଧ୍ୟ ଏହାର ଉତ୍ପତ୍ତି ସ୍ଥଳ। ବର୍ତ୍ତମାନ ପୃଥିବୀର ବିଭିନ୍ନ ଦେଶ ଯଥା-ଆଫଗାନିସ୍ଥାନ, ଇରାନ, ସିରିଆ, ଅଷ୍ଟ୍ରେଲିୟା, ଯୁକ୍ତରାଷ୍ଟ୍ର ଆମେରିକା, ଇଟାଲି ଆଦି ଦେଶରେ ଏହାର ଚାଷ ହୋଇଥାଏ। ସେଥିପରି ଭାରତରେ ରାଜସ୍ଥାନ, ମଧ୍ୟପ୍ରଦେଶ, ବିହାର, ଉତ୍ତର ପ୍ରଦେଶ, ପଞ୍ଜାବ, ହରିଆନା, ଗୁଜୁରାଟ, ମହାରାଷ୍ଟ୍ର, ଓଡିଶାର ପଶ୍ଚିମାଞ୍ଚଳ ଜିଲ୍ଲାମାନଙ୍କରେ ଏହାର ଚାଷ ଭଲ ହୋଇଥାଏ।

ଜଳବାୟୁ-

ବରକୋଳି ଚାଷ ପାଇଁ ଗ୍ରୀଷ୍ମମଣ୍ଡଳୀୟ ଜଳବାୟୁରେ ଖୁବ୍ ଅନୁକୂଳ ହୋଇଥାଏ। ଯେଉଁ ଜାଗାମାନଙ୍କରେ ଟାଣ ଖରା ଓ ଆଦ୍ରତା କମ୍ ସେଠାରେ ବରକୋଳି ଚାଷ ଭଲ ହୁଏ। କିନ୍ତୁ ଫଳ ଧାରଣ ସମୟରେ ଜଳସେଚନ ନିହାତି ଆବଶ୍ୟକ ।

ମୃତ୍ତିକା-

ଅଳ୍ପ କ୍ଷାର,ବାଲିଆ ଓ ଦୋରସା ମାଟିରେ ବରକୋଳି ଚାଷ ଖୁବ୍ ଭଲ ହୋଇଥାଏ। କିନ୍ତୁ ଅନ୍ୟ ଯେକୌଣସି ମାଟିରେ ମଧ୍ୟ ଏହାର ଚାଷ ଅସମ୍ଭବ ନୁହେଁ। ସାଧାରଣତଃ ଯେଉଁ ଜମିରେ ଅନ୍ୟ କୌଣସି ଫଳଚାଷ କରି ହୁଏନି, ସେ ଜମିରେ ବରକୋଳି ଚାଷ କରାଯିବା ସମ୍ଭବ ।

କିସମ-

ବରକୋଳି ସମସ୍ତେ ଖାଇବାକୁ ଭଲ ପାଆନ୍ତି ହେଲେ ଏହାର ପ୍ରକାରଭେଦ ସମ୍ପର୍କରେ କାହାର ସେତେଟା ଜ୍ଞାନ ନଥାଏ ।ତେବେ ବରକୋଳିର ବିଭିନ୍ନ ପ୍ରକାରଭେଦ ଥାଏ ଅର୍ଥାତ ବିଭିନ୍ନ କିସମର ବରକୋଳି ରହିଥାଏ ।ବନାରସି, ଗୋଲା, ସେଓ, ସାନାଭରୁ-୨ ଉତ୍ମାନ, କରତା, ଯୋଗିଆ, ମୁଣ୍ଡିଆ, ମାହେରା, ଟିକିଡି, ପାମେଲି, ପ୍ରୋଲିଫିକ, ଛୁହାରା, କୈଥିଲି, ସାନ୍ଧୁରା, ନର୍ଣ୍ଣାଲ, ଦଣ୍ଡନ, ଚୈଞ୍ଚିଲି, ନାରିକେଲ, ବାଉରିପୁର, ଦୁଧିଆ, କଣ୍ଟାହୀନ, ଇଲାଇଚି ଇତ୍ୟାଦି ।

ବଂଶବିସ୍ତାର-

ମଞ୍ଜିଗଛ ସବୁଜାଗାରେ ଦେଖିବାକୁ ମିଳେ । ମଞ୍ଜିଗଛ ଅଧିକ ଫଳ ଦେଉଥିଲେ ମଧ୍ୟ ଫଳ ଗୁଡିକ ଛୋଟ ହୁଏ ଓ ଏହାର ଗୁଣବତ୍ତା ମଧ୍ୟ କମ୍ ଥାଏ। ତେଣୁ କଲମୀ ଦ୍ଵାରା ସାଧାରଣତଃ ବରକୋଳିର ବଂଶ ବିସ୍ତାର କରାଯାଏ । ରିଙ୍ଗ ବଡିଙ୍ଗ ଓ ଟି ବଡିଙ୍ଗ ଦ୍ଵାରା ବରକୋଳି ଗଛର କଲମୀ କରାଯାଇଥାଏ।ସାଧାରଣତଃ ସବୁ ମଞ୍ଜିରୁ ଗଛ ଉଠି ନଥାଏ । ଯେଉଁ ମଞ୍ଜି ଶତକଡ଼ା ୨୦ ଭାଗ ଲୁଣ ପାଣିରେ ବୁଡିଯାଏ ସେଥିରୁ ଭଲ ଗଛ ହୋଇଥାଏ।

ଖତ ଓ ସାର-

ଗଛ ଲଗାଇବା ବେଳେ ପ୍ରତି ଗାତରେ ୨ଝୁଡି କମ୍ପୋଷ୍ଟ ବା ଖତ ଏକ କେଜି ଜୈବିକ ସାର ଓ ୨୦ ଗ୍ରାମ କ୍ଳୋରୋପାଇରିଫସ ଗୁଣ୍ଡ ଦେଇ ଗଛ ଲଗାଇବ । ବର୍ଷକୁ ୨ ଝୁଡି କମ୍ପୋଷ୍ଟ ବା ଖତ,୨କେଜି କାଲସିୟମ ଆମୋନିୟମ ନାଇଟ୍ରେଟ ସାର, ଏକ କେଜି ସୁପର ଫସଫେଟ ସାର ଓ ୫୦୦ ଗ୍ରାମ ମ୍ୟୁରେଟ୍ ଅଫ୍ ପଟାସ ସାର ଦେବେ ।

ଜଳସେଚନ-

ଗଛ ଲଗାଇବା ବେଳେ ୩/୪ ଦିନ ଅନ୍ତରରେ ଓ ୨/୩ ମାସ ପରେ ୫/୭ ଦିନ ଅନ୍ତରରେ ଜଳସେଚନ ବିଶେଷ ଦରକାର କରେ । କିନ୍ତୁ ଗଛରେ ଫଳ ଥିଲାବେଳେ ୨/୩ ଥର ଜଳସେଚନ ଦେଲେ ଫଳ ବଡ ହୁଏ ଓ ବେଶୀ ଫଳ ରହେ । ବଡ ଗଛରେ ସାଧାରଣତଃ ନଭେମ୍ବର ଠାରୁ ଜାନୁଆରୀ ମାସ ମଧ୍ୟରେ ଜଳସେଚନ ଦେବା କଥା ।

ରୋଗ ପୋକ-

ଫଳମାଛି :- ଗଛର ତଳେ ଥିବା ମାଟିରେ କ୍ଳୋରୋପାଇରିଫସ ଗୁଣ୍ଡ ଦେଇ ମାଟି ସହ ମିଶାଇ ଦିଅନ୍ତୁ । ମାଲାଥିଆନ ବା ସେଭିନ୍ ଗଛରେ ସ୍ପ୍ରେ କରନ୍ତୁ। ଫଳଥିବା ସମୟରେ ହେକ୍ଟର ପିଛା  ୫୦୦ସିସି ରୋଗର ୩୦୦ ଲିଟର ପାଣିରେ ମିଶାଇ ସ୍ପ୍ରେ କରନ୍ତୁ।

ର୍ବାକଇଟିଂ କାଟର ପିଲାର : ଗଛର କାଣ୍ଡକୁ ୦.୫ % ମନୋକଟଫସ ଔଷଧ ଦ୍ଵାରା ଲେପ ଦିଅନ୍ତୁ।

ପାଉଁଶିଆ ରୋଗ : ୨୦୦ଗ୍ରାମ ଦ୍ରବୀଭୂତ ସଲଫର କିମ୍ବା ୫୦ଗ୍ରାମ କାରାଥିନ ୧୦୦ ଲିଟର ପାଣିରେ ମିଶାଇ ଜୁଲାଇ, ସେପ୍ଟେମ୍ବର, ନଭେମ୍ବର ଓ ଡିସେମ୍ବର ମାସରେ ସ୍ପ୍ରେ କଲେ ଏ ରୋଗ ହୁଏନି।

ଅମଳ-

ଗୋଟିଏ ବଡ ଗଛ ଜଳସେଚିତ ଅଞ୍ଚଳର ହାରାହାରି ୮୦କେଜି ରୁ ୨୦୦କେଜି ପର୍ଯ୍ୟନ୍ତ ଫଳ ଦେଇଥାଏ। ହେକ୍ଟର ପିଛା ଆୟ ଟ୫୦,୦୦୦ ମିଳିଥାଏ। କଲମୀଗଛ ୩/୪ ବର୍ଷ ପରଠାରୁ ଫଳିବା ଆରମ୍ଭ  କରେ ଏବଂ ୧୦ ରୁ ୨୦ ବର୍ଷ ମଧ୍ୟରେ ଅଧିକ ଉତ୍ପାଦନ ଦେଇଥାଏ।

ମାଠିଆରେ ଛତୁ ଚାଷ କରି ହୋଇପାରିବେ ଲାଭବାନ...

କୋଟିପତି କରିଦେବ ଏହି ଚାଷ ପ୍ରଣାଳୀ...