5G Lunch Service Starts in Odisha
ଓଡ଼ିଶାରେ ଏଣ୍ଟ୍ରି କଲା 5G ଯୁଗ। ଆଜି ରାଜଧାନୀରେ 5G ସେବାର ଶୁଭାରମ୍ଭ କରିଛନ୍ତି ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ(Ashwini Vaishnaw) ଓ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ(Dharmendra Pradhan)। ରାଜ୍ୟରେ ପ୍ରାୟ ୫୧୦ଟି ଟାୱାର ଲାଗିଥିବା ବେଳେ ପ୍ରଥମ ପର୍ଯ୍ୟାୟରେ ୧୦୦ଟି ଟାୱାରରେ ୫G ସେବାର ଶୁଭାରମ୍ଭ କରାଯାଇଛି । ୫ ଜି ସେବା ପାଇଁ ୨ ଟେଲିକମ ଅପରେଟର ଏୟାରଟେଲ ଓ ଜିଓକୁ ମିଳିଛି ଅନୁମତି । ପ୍ରଥମେ ଟ୍ୱିନ୍ ସିଟି ଭୁବନେଶ୍ୱର(Bhubaneswar) ଓ କଟକ(Cuttack)ରେ ସେବା ପାଇବେ ଉପଭୋକ୍ତା । ପରେ ରାଜ୍ୟର ଅନ୍ୟ ଅଞ୍ଚଳରେ ଏହି ସେବା ଉପଲବ୍ଧ ହେବ।ଡିସେମ୍ବର ୨୯ରେ ଭୁବନେଶ୍ୱର ରେଳ ଷ୍ଟେସନର ନବୀକରଣ ପାଇଁ ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ଅଶ୍ୱିନୀ ବୈଷ୍ଣବ ଜାନୁଆରୀ ୨୬ ପୂର୍ବରୁ ଓଡିଶାରେ 5ଜି ସେବା ଆରମ୍ଭ କରାଯିବ ବୋଲି ଘୋଷଣା କରିଥିଲେ । ଜାନୁଆରୀ ୨୬ର ୨୧ ଦିନ ପୂର୍ବରୁ ଅର୍ଥାତ ଆଜି ଠାରୁ 5ଜି ସେବା ଆରମ୍ଭ ହେବାକୁ ଯାଇଛି ।
ଜାନୁୟାରୀ ୫ରେ କେନ୍ଦ୍ର ଦୂରସଞ୍ଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ ଓଡିଶାର ରାଜଧାନୀ ଭୁବନେଶ୍ୱର, କଟକରେ 5G ସେବା ଆରମ୍ଭ ହୋଇଛି । ଟେଲିକମ୍ କମ୍ପାନୀ, ଜିଓ ଏବଂ ଏୟାରଟେଲ୍ ଏହି ଅଞ୍ଚଳରେ 5G ନେଟୱାର୍କ ଯୋଗାଇବା ପାଇଁ ଆବଶ୍ୟକ ବ୍ୟବସ୍ଥା ମଧ୍ୟ କରାଯାଇଛି । ଉଭୟ କମ୍ପାନୀ ୫୦୦ରୁ ଅଧିକ ବେସ୍ ଟ୍ରାନ୍ସସିଭର୍ ଷ୍ଟେସନ୍ ସ୍ଥାପନ କରିଥିବା କୁହାଯାଉଛି ।
Jio 5G ସେବା ବ୍ୟବହାର ପାଇଁ ଗ୍ରାହକଙ୍କୁ Jio Welcome Offer ଦିଆଯାଉଛି । Jio Welcome Offer ହେଉଛି ଏକ ଇନଭାଇଟ୍-ଆଧାରିତ ଅଫର, ଯାହା କେବଳ କିଛି ୟୁଜର୍ସଙ୍କୁ ହିଁ ମିଳୁଛି । କମ୍ପାନୀ ଅନୁଯାୟୀ, ୟୁଜର୍ସମାନେ 1Gbps ଜିବିପିଏସ ସ୍ପିଡରେ ଅସୀମିତ ଡାଟା ପାଇପାରିବେ । ଏଥିପାଇଁ ଗ୍ରାହକଙ୍କୁ କୌଣସି ଅତିରିକ୍ତ ଦେୟ ଦେବାକୁ ପଡିବ ନାହିଁ । ଅର୍ଥାତ ଯଦି ଆପଣ Jio Welcome ପାଇଛନ୍ତି । ତେବେ ଆପଣ ମାଗଣାରେ 5G ଇଣ୍ଟରନେଟ୍ ବ୍ୟବହାର କରିବାକୁ ସକ୍ଷମ ହେବେ । କମ୍ପାନୀ ନିଜର 5G ସେବାକୁ ପର୍ଯ୍ୟାୟକ୍ରମେ ବିସ୍ତାର କରୁଛି ।
ପୂର୍ବରୁ ପ୍ରଥମ ପର୍ଯ୍ୟାୟରେ ଅକ୍ଟୋବର ୧ ରେ ଦିଲ୍ଲୀ, ଚଣ୍ଡୀଗଡ଼, ଗୁରୁଗ୍ରାମ, ଲକ୍ଷ୍ନୌ, ଅହମ୍ମଦାବାଦ, ଜାମନଗର, ଗାନ୍ଧିନଗର, କୋଲକାତା, ମୁମ୍ବାଇ, ପୁଣେ, ହାଇଦ୍ରାବାଦ, କୋଲକାତା, ଚେନ୍ନାଇ ଓ ବେଙ୍ଗାଳୁରୁରେ ଏହି ସେବାର ଶୁଭାରମ୍ଭ ହୋଇଥିଲା । ତେବେ ୫G ଆସିବା ଦ୍ୱାରା କଣ ସବୁ ପରିବର୍ତ୍ତନ ଆସିବ ଆସନ୍ତୁ ନଜର ପକାଇବା । ୫G ଏକ ୱାୟରଲେସ୍ ବ୍ରଡବ୍ୟାଣ୍ଡ ସେବା । ଏହା ପ୍ରଚଳିତ ହେବା ପରେ ୟୁଜର ସ୍ପିଡ୍ ଇଣ୍ଟରନେଟ୍ ବ୍ୟବହାର କରିପାରିବେ ।
ଭିଡିଓ ଗେମିଂ କ୍ଷେତ୍ରରେ ବଡ଼ ପରିବର୍ତ୍ତନ ଆସିବ । ୟୁଟ୍ୟୁବରେ ଭିଡିଓ ବିନା ବଫରିଙ୍ଗରେ ଚାଲିବ । ୧୦-୨୦ ସେକେଣ୍ଡ ମଧ୍ୟରେ ଫିଲ୍ମ ଡାଉନଲୋଡ୍ ହେବ । ସେହିପରି ୪G ଏବଂ ୫G ମଧ୍ୟରେ ତୁଳନା କଲେ ଇଣ୍ଟରନେଟ୍ ସ୍ପିଡ ଠାରୁ ଡାଟା ଟ୍ରାନ୍ସଫରରେ ଆକାଶ ପାତାଳର ଫରକ ଆସିବ । ୪Gରେ ଅଡିଓ/ଭିଡିଓ ଲସ୍ ହେଉଥିବା ବେଳେ ୫Gରେ ବଫରିଙ୍ଗର ପ୍ରଶ୍ନ ନାହିଁ ।
ସେହିପରି ୪Gରେ ୧ ବର୍ଗ କିମିରେ ୪ ହଜାର ଡିଭାଇସ ଯୋଡ଼ା ହେଉଥିବା ବେଳେ ୫Gରେ ୧ ବର୍ଗ କିମିରେ ୧୦ ଲକ୍ଷ ଡିଭାଇସ ଡିଭାଇସ୍ ହୋଇପାରିବ । ଯେଉଁଥିପାଇଁ ବିକାଶର ରାସ୍ତାରେ ଭାରତର ସ୍ପିଡ୍ ନନଷ୍ଟପ ହେବା ନିଶ୍ଚିତ ।ଭାରତରେ ଆସିଥିବା ଡିଜିଟାଲ କ୍ରାନ୍ତି ପଛରେ ମୋଦି ସରକାରର ବଡ଼ ଭୂମିକା ରହିଛି । ଏବେ ୫G ଲଞ୍ଚ ପରେ ଦେଶ ନା କେବଳ ଆତ୍ମନିର୍ଭରତା କ୍ଷେତ୍ରରେ ବରଂ ବିଶ୍ବଗୁରୁ ହେବା ଦିଗରେ ବିରାଟ ପାଦ ବଢ଼ାଇଛି ।
Share your comments