9000 HP Electric Freight Locomotives to Siemens, India
ଭାରତୀୟ ରେଳ ଦ୍ବାରା ସିମେନ୍ସ, ଇଣ୍ଡିଆକୁ 9000 ଏଚପି ଇଲେକ୍ଟ୍ରିକ୍ ଫ୍ରେଟ୍ ଲୋକୋମୋଟିଭ୍ ଉତ୍ପାଦନ ଏବଂ ରକ୍ଷଣାବେକ୍ଷଣ ପାଇଁ କାର୍ଯ୍ୟ ଆଦେଶ ପ୍ରଦାନ l ପ୍ରଧାନମନ୍ତ୍ରୀ 20 ଏପ୍ରିଲ 2022 ରେ ଦାହୋଦର ରେଳ କାରଖାନାରେ ଏହାର ଶିଳାନ୍ୟାସ କରିଥିଲେ l ଏହା ‘ମେକ୍ ଇନ୍ ଇଣ୍ଡିଆ’ ଏବଂ ‘ମେକ୍ ଫର୍ ଦି ୱାର୍ଲ୍ଡ’ ଦିଗରେ ଅଗ୍ରଗତିକୁ ସୂଚିତ କରେ l
ଦାହୋଦ୍ କାରଖାନା ଭାରତୀୟ ରେଳ ଏବଂ ରପ୍ତାନି ବଜାର ପାଇଁ ହାଇ ହର୍ଷ ପାୱାର ଇଲେକ୍ଟ୍ରିକ୍ ଲୋକୋମୋଟିଭ୍ ଉତ୍ପାଦନ କରିବ l ରେଳ ଉତ୍ପାଦନ ୟୁନିଟ୍ ଏବଂ ରକ୍ଷଣାବେକ୍ଷଣ ଡିପୋରେ କାର୍ଯ୍ୟ କରୁଥିବା ରେଳ କର୍ମଚାରୀଙ୍କର ଦକ୍ଷତା ବୃଦ୍ଧି କରିବାରେ ଏହା ସାହାଯ୍ୟ କରିବ l 11 ବର୍ଷର ଅବଧି ମଧ୍ୟରେ 1200 ଇଲେକ୍ଟ୍ରିକ୍ ଲୋକୋମୋଟିଭ୍ ଉତ୍ପାଦନ ହେବ l ଉତ୍ପାଦନ ୟୁନିଟ୍, ଆନୁଷଙ୍ଗିକ ଉତ୍ପାଦନ ୟୁନିଟ୍, ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ଏବଂ ବିକାଶର ଗତିକୁ ତ୍ବରାନ୍ବିତ କରିବ l ଏହି ପ୍ରୋଜେକ୍ଟ ହାଇ ପେସ୍ ଇଣ୍ଡିଜେନାଇଜେସନ୍ ମାଧ୍ୟମରେ ଭାରତରେ ନୂତନ ଟେକ୍ନୋଲୋଜିର ବିକାଶରେ ସହାୟକ ହେବ l ଟେକ୍ନୋଲୋଜି ପାର୍ଟନର ଚୟନରେ ଉପଯୁକ୍ତ, ସ୍ୱଚ୍ଛ ଏବଂ ପ୍ରତିଯୋଗୀ ବିଡିଂ ପ୍ରକ୍ରିୟା ଗ୍ରହଣ କରାଯାଇଛି l
ଭାରତୀୟ ରେଳ ସିମେନ୍ସ, ଇଣ୍ଡିଆକୁ 9000 ଏଚପି ଇଲେକ୍ଟ୍ରିକ୍ ମାଲ ପରିବହନ ଲୋକୋମୋଟିଭ୍ ଉତ୍ପାଦନ ଏବଂ ରକ୍ଷଣାବେକ୍ଷଣ ପାଇଁ ଲେଟର ଅଫ୍ ଆୱାର୍ଡ (ଏଲଓଏ) ପ୍ରଦାନ କରିଛି। ଦାହୋଦ ରେଳ କାରଖାନା 11 ବର୍ଷ ମଧ୍ୟରେ 1200 ଉଚ୍ଚ ହର୍ଷ ପାୱାର (9000 ଏଚପି) ବୈଦ୍ୟୁତିକ ଲୋକୋମୋଟିଭ୍ ଉତ୍ପାଦନ କରିବ। ଏହା 1200 ଲୋକୋମୋଟିଭ୍ ଉତ୍ପାଦନ କରିବା ସହିତ 35 ବର୍ଷ ପାଇଁ ଏହି ଲୋକୋମୋଟିଭ୍ ର ରକ୍ଷଣାବେକ୍ଷଣ କାର୍ଯ୍ୟ କରିବ। ଟିକସ ଏବଂ ମୂଲ୍ୟ ପରିବର୍ତ୍ତନକୁ ବାଦ ଦେଇ କଣ୍ଟ୍ରାକ୍ଟ ଏବଂ ଏହାର ଆନୁମାନିକ ମୂଲ୍ୟ ପ୍ରାୟ ଆଇଏନଆର 26000 କୋଟି (ପ୍ରାୟ 3.2 ବିଲିୟନ ୟୁଏସ ଡ଼ଲାର୍) ଅଟେ।
ଏଲଓଏ ସ୍ବାକ୍ଷରିତ ହେବାର 30 ଦିନ ମଧ୍ୟରେ ସିମେନ୍ସ ଇଣ୍ଡିଆ ସହିତ ଚୁକ୍ତିନାମା ସ୍ୱାକ୍ଷରିତ ହେବ। ଆସନ୍ତା ଦୁଇ ବର୍ଷ ମଧ୍ୟରେ ପ୍ରୋଟୋଟାଇପ୍ ଲୋକୋମୋଟିଭ୍ ବିତରଣ କରାଯିବ। ଦୁଇ ବର୍ଷ ମଧ୍ୟରେ ଏହି ଲୋକୋମୋଟିଭ୍ ଉତ୍ପାଦନ ପାଇଁ ଦାହୋଦ୍ ୟୁନିଟ୍ ସମ୍ପୂର୍ଣ୍ଣ ରୂପେ ନିର୍ମାଣ ହେବ। ଟେକ୍ନୋଲୋଜି ସହଭାଗୀ ଭାବରେ ମନୋନୀତ ହୋଇଥିବା ସାଇମେନ୍ସ, ଏହି ଲୋକୋମୋଟିଭଗୁଡ଼ିକୁ ଦାହୋଦରେ ଉତ୍ପାଦନ କରିବେ ଏବଂ ଚାରିଟି ରକ୍ଷଣାବେକ୍ଷଣ ଡିପୋ ଯଥା ବିଶାଖାପାଟନମ୍, ରାୟପୁର, ଖଡ଼ଗପୁର, ପୁନେ ଠାରେ ରେଳ ବିଭାଗର ମାନବ ସମ୍ବଳ ବ୍ୟବହାର କରି ଏହି ଲୋକୋମୋଟିଭ୍ ରକ୍ଷଣାବେକ୍ଷଣ କରିବେ। ଉପଯୁକ୍ତ ଅର୍ଥନୈତିକ ଡ୍ରାଇଭରଗୁଡ଼ିକ ଉତ୍ପାଦନର ସମ୍ପୂର୍ଣ୍ଣ ସ୍ୱଦେଶୀକରଣ ନିଶ୍ଚିତ କରିବେ ଯାହା ପରବର୍ତ୍ତୀ ସମୟରେ ଆନୁଷଙ୍ଗିକ ଉତ୍ପାଦନ ୟୁନିଟର ବିକାଶ ସହିତ ଏକ ପ୍ରକୃତ ‘ମେକ୍ ଇନ୍ ଇଣ୍ଡିଆ’ପଦକ୍ଷେପରେ ପରିଣତ କରିବ। ଏହି ପ୍ରକଳ୍ପ ଦ୍ୱାରା ଦହୋଦ ଅଞ୍ଚଳର ବିକାଶ ହେବା ସହିତ ରୋଜଗାର ସୃଷ୍ଟି ହେବ ।
ଏହି ଉଚ୍ଚ ହର୍ଷ ପାୱାର (9000 ଏଚପି) ଲୋକୋମୋଟିଭ୍ ଭାରତୀୟ ରେଳବାଇରେ ମାଲ ପରିବହନ ପାଇଁ ଭବିଷ୍ୟତର କାର୍ଯ୍ୟକ୍ଷେତ୍ର ହେବ। ଏହି ଲୋକୋମୋଟିଭଗୁଡିକ ମୁଖ୍ୟତ ପାଶ୍ଚାତ୍ୟ ଡିଏଫସି ଏବଂ ରେଳବାଇର ଗ୍ରେଡ୍ ବିଭାଗରେ 4500 ଟନ୍ ର 75 କିଲୋମିଟର ପ୍ରତି ଘଣ୍ଟାରେ ଡବଲ୍ ଷ୍ଟାକ ଗଠନରେ ହଲିଂ କଣ୍ଟେନର ମାଲବାହୀ ଟ୍ରେନ୍ ଗୁଡ଼ିକୁ 200 ଗ୍ରେଡିଏଣ୍ଟରେ 1 ରେ ବ୍ୟବହାର କରିବା ପାଇଁ ଯୋଜନା କରାଯାଇଛି ଏବଂ ଏହିପରି ଟ୍ରେନର ହାରାହାରି ବେଗକୁ ପ୍ରାୟ 50-60 କିଲୋମିଟର ପର୍ଯ୍ୟନ୍ତ ବଢ଼ାଇବାକୁ ଯୋଜନା କରାଯାଇଛି ଯାହାକି ବର୍ତ୍ତମାନ ବିଦ୍ୟମାନ ଘଣ୍ଟାପ୍ରତି 20-25 କିଲୋମିଟର ରହିଛି। ଅପରେଟିଂ ପାରାମିଟରଗୁଡିକରେ କ୍ୱାଣ୍ଟମ୍ ଜମ୍ପ୍ ଥ୍ରୁପୁଟରେ ବୃଦ୍ଧି ଘଟାଇବ ଏବଂ ଲାଇନ୍ କ୍ଷମତା ମଧ୍ୟ ବୃଦ୍ଧି କରିବ। ଏହି ଲୋକୋମୋଟିଭ୍ ରେ ଆଧୁନିକ ଆଇଜିବିଟି ଆଧାରିତ ପ୍ରପୁଲସନ୍ ଟେକ୍ନୋଲୋଜି ରହିଛି ଯାହାକି ରିଜେନେରେଟିଭ୍ ବ୍ରେକିଂ ଟେକ୍ନୋଲୋଜି ସହାୟତାରେ ଶକ୍ତି ସଞ୍ଚୟ କରିବ।
ରପ୍ତାନି ବଜାର ପାଇଁ ଷ୍ଟାଣ୍ଡାର୍ଡ ଗେଜ୍ ଲୋକୋମୋଟିଭ୍ ଉତ୍ପାଦନ ଏବଂ ଯୋଗାଣ ପାଇଁ ଏକ ବ୍ୟବସ୍ଥା ରହିଛି। ଭାରତୀୟ ରେଳ ସିମେନ୍ସ ଇଣ୍ଡିଆକୁ ଟେକ୍ନୋଲୋଜି ପାର୍ଟନର ଭାବରେ ଚୟନ କରିଛି। ଏହି ପ୍ରକ୍ରିୟାକୁ ଏକ ନିରପେକ୍ଷ, ସ୍ୱଚ୍ଛ ଏବଂ ପ୍ରତିଯୋଗିତାମୂଳକ ବିଡିଂ ପ୍ରକ୍ରିୟା ମାଧ୍ୟମରେ ଚୟନ କରାଯାଇଛି। ଏହା ସହିତ ଟେକ୍ନୋଲୋଜି ପାର୍ଟନରଙ୍କ ତତ୍ତ୍ବାବଧାନରେ ରେଳ କର୍ମଚାରୀଙ୍କୁ ବ୍ୟବହାର କରି ଏହି ଲୋକୋମୋଟିଭ୍ ଉତ୍ପାଦନ ତଥା ପରିଚାଳନା କରାଯିବ। ଏକ ଯଥାର୍ଥ, ସ୍ୱଚ୍ଛ ଏବଂ ପ୍ରତିଯୋଗିତାମୂଳକ ବିଡିଂ ପ୍ରକ୍ରିୟା ମାଧ୍ୟମରେ ଟେକ୍ନୋଲୋଜି ପାର୍ଟନର ଚୟନ କରାଯାଇଛି । ଟେକ୍ନୋଲୋଜିକାଲ୍ ପାର୍ଟନର 9000 ଏଚପି ଲୋକୋମୋଟିଭ୍ ଉତ୍ପାଦନ ପାଇଁ ବିଶାଖାପାଟନମ୍, ରାୟପୁର, ଖଡ଼ଗପୁର ଏବଂ ପୁନେରେ 35 ବର୍ଷର ଡିଜାଇନ୍ ଲାଇଫ୍ ପାଇଁ ଲୋକୋମୋଟିଭ୍ ରକ୍ଷଣାବେକ୍ଷଣ ନିମନ୍ତେ ଦାହୋଦରେ ରେଳ କର୍ମଚାରୀଙ୍କୁ ତାଲିମ ପ୍ରଦାନ କରିବ। ଏହି 1200 ଲୋକୋମୋଟିଭ୍ 11 ବର୍ଷ ମଧ୍ୟରେ ଉତ୍ପାଦିତ ହେବ। ଟେକ୍ନୋଲୋଜି ପାର୍ଟନର ନିଶ୍ଚିତ ଭାବରେ 95% ଉପଲବ୍ଧତା ଏବଂ 1,50,000 କିଲୋମିଟର ଲୋକୋମୋଟିଭର ସୁବିଧାଜନକ କାର୍ଯ୍ୟକୁ ନିଶ୍ଚିତ କରିବ। ଏହା ସହିତ ଗ୍ୟାରେଣ୍ଟେଡ୍ କି ପର୍ଫରମାନ୍ସ ଇଣ୍ଡିକେଟର ବ୍ୟବସ୍ଥା କରାଯିବ।
ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାରୁ କଟିଯିବ ଆପଣଙ୍କ ନାଁ, ଜାଣନ୍ତୁ କାହିଁକି ।
Share your comments