ଦୁବାଇରେ ନବୀନଙ୍କ ସହ ନିବେଶକଙ୍କ ବୈଠକ, ବଡ ବିଜନେସ ଡିଲ ସମ୍ଭାବନା !

CM Naveen Patnaik to meet investors today in Dubai

ବିଦେଶ ଗସ୍ତରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ( CM Naveen Patnaik) ଓଡିଶା ଇନଭେଷ୍ଟର୍ସ ମିଟରେ ହେବେ ସାମିଲ । ଦୁବାଇରେ ଆୟୋଜିତ ହୋଇଛି ଇନଭେଷ୍ଟର୍ସ ମିଟ । ବୈଠକରେ ବଡ ବଡ ଶିଳ୍ପପତିଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ ।

ଓଡିଶାରେ ନିବେଶର ସୁଯୋଗ ପାଇଁ ନିବେଶକଙ୍କୁ ନିମନ୍ତ୍ରଣ କରିପାରନ୍ତି ନବୀନ । ତେବେ କୃଷି ଓ ଖାଦ୍ୟ ପ୍ରକ୍ରିୟାକରଣ, ରସାୟନ ଓ ପେଟ୍ରୋକେମିକାଲ୍ସ, ବୟନ, ଡାଉନଷ୍ଟ୍ରିମ ଆଣ୍ଡ ଆନ୍ସିଲାରୀ, ଇଏସଡିଏମ୍-ଆଇଟି ଓ ଆଇଟିଏସ୍, ଅଟୋ ଓ ଅଟୋ ଯନ୍ତ୍ରାଂଶରେ ପୁଞ୍ଜିନିବେଶର ଯଥେଷ୍ଟ ସମ୍ଭାବନା ରହିଛି ।

ରାଜ୍ୟ ସରକାର ପେଟ୍ରୋକେମିକାଲ୍ସ, ରାସାୟନିକ ପଦାର୍ଥ, ପ୍ଲାଷ୍ଟିକ୍, ଖାଦ୍ୟ ପ୍ରକ୍ରିୟାକରଣ, ସାମୁଦ୍ରିକ ଖାଦ୍ୟ ଏବଂ ମେଟାଲ ଡାଉନଷ୍ଟ୍ରିମ ଭଳି କ୍ଷେତ୍ରରେ ପୁଞ୍ଜି ବିନିଯୋଗ କରିପାରନ୍ତି। ଏହି ପୁଞ୍ଜି ବିନିଯୋଗ ମୁଖ୍ୟତଃ ଗଲ୍ଫ ଏବଂ ଉତ୍ତର ଆଫ୍ରିକା ଦେଶଗୁଡିକରୁ ଲକ୍ଷ୍ୟ ଧାର୍ଯ୍ୟ କରାଯାଇଛି । କାରଣ ଏହି ଅଞ୍ଚଳର ବ୍ୟବସାୟିକ ପ୍ରତିନିଧୀମାନେ ଏହି କାର୍ଯ୍ୟକ୍ରମରେ ଯୋଗଦେବେ ବୋଲି ଆଶା କରାଯାଉଛି ।

ଦୁବାଇରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଶିଳ୍ପ ବିଭାଗର ପ୍ରମୁଖ ଶାସନ ସଚିବ ହେମନ୍ତ ଶର୍ମା, ଇପିକଲର ପରିଚାଳନା ନିର୍ଦ୍ଦେଶକ ଭୂପିନ୍ଦର ସିଂହ ପୁନିଆ ଓ ଇପିକଲର କିଛି ବରିଷ୍ଠ ପଦାଧିକାରୀ ଉପସ୍ଥିତ ରହିବେ । ସମ୍ମିଳନୀରେ ଦେଶର ଜଣାଶୁଣା ଶିଳ୍ପପତି ସାମିଲ ହେବାର କାର୍ଯ୍ୟକ୍ରମ ରହିଛି । ହିଣ୍ଡାଲକୋ, ଆଦାନି, ଜେଏସଡବ୍ଲୁ, ଜେଏସପିଏଲ୍, ମିତଲ, ଟାଟା, ଇମ୍ଫାର ପ୍ରତିନିଧି ସାମିଲ ହେବେ ବୋଲି ଚର୍ଚ୍ଚା ହେଉଛି ।

ଏହାପୂର୍ବରୁ ଇଟାଲୀର ରୋମରେ ଆୟୋଜିତ କାର୍ଯ୍ୟକ୍ରମରେ ଓଡିଶାର ଖାଦ୍ୟ ସୁରକ୍ଷାର କାହାଣୀ କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।ଜ୍ୟର ଖାଦ୍ୟ ସୁରକ୍ଷା(Food Security) ଅଭିଯାନ ଓ ବିପର୍ଯ୍ୟୟ ପରିଚାଳନାକୁ ନେଇ ମତ ରଖିଥିଲେ ନବୀନ । ମୁଖ୍ୟମନ୍ତ୍ରୀ କହିଥିଲେ, ସାରାବିଶ୍ୱରେ ଏକ ଗରିବ ଓ ଖାଦ୍ୟ ସଙ୍କଟ ଦେଇ ଗତି କରୁଥିବା ରାଜ୍ୟ ଭାବେ ଅପବାଦ ମୁଣ୍ଡାଇଥିଲା ଓଡିଶା । ଏବେ କିନ୍ତୁ ସମୟ ବଦଳିଛି, ଓଡିଶା ଆଉ ଖାଦ୍ୟ ଅଭାବ ରାଜ୍ୟ ହୋଇ ରହିନାହିଁ । ଖାଦ୍ୟ ଉତ୍ପାଦନରେ ଓଡିଶା ଏବେ ବଳକା ରାଜ୍ୟରେ ପରିଣତ ହୋଇଛି ।

ରୋମରେ ଖାଦ୍ୟ ସୁରକ୍ଷା ଉପରେ କଣ କହିଲେ ନବୀନ ? ଜାଣନ୍ତୁ...

ରାତି ପାହିଲେ ବିଦେଶ ଯାତ୍ରାରେ ବାହାରିବେ ମୁଖ୍ୟମନ୍ତ୍ରୀ

ଅନେକ ସମୟରେ ଓଡିଶା ଖାଦ୍ୟ ସଙ୍କଟର ସମ୍ମୁଖୀନ ହୋଇଛି । ଖାଦ୍ୟ ଅଭାବରୁ ବହୁ ଲୋକଙ୍କ ଜୀବନ ହାରିଛନ୍ତି । ଏନେଇ ସାରାବିଶ୍ୱରେ ଏକ ଗରିବ ଓ ଖାଦ୍ୟ ସଙ୍କଟ ଦେଇ ଗତି କରୁଥିବା ରାଜ୍ୟ ଭାବେ ଅପବାଦ ମୁଣ୍ଡାଇଥିଲା ଓଡିଶା । ଏବେ କିନ୍ତୁ ସମୟ ବଦଳିଛି, ଓଡିଶା ଆଉ ଖାଦ୍ୟ ଅଭାବ ରାଜ୍ୟ ହୋଇ ରହିନାହିଁ । ଖାଦ୍ୟ ଉତ୍ପାଦନରେ ଓଡିଶା ଏବେ ବଳକା ରାଜ୍ୟରେ ପରିଣତ ହୋଇଥିବା ରୋମ(WFP in Rome)ରେ ଦେଇଥିବା ଅଭିଭାଷଣରେ କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ( CM Naveen Patnaik) ।