ଆରପାରିରେ ବିହାରର ପୂର୍ବତନ କୃଷିମନ୍ତ୍ରୀ ନରେନ୍ଦ୍ର ସିଂ

former Bihar agriculture minister Narendra Singh passes away

ଆରପାରିରେ ବିହାରର କୃଷିମନ୍ତ୍ରୀ | ବିହାରର କୃଷିମନ୍ତ୍ରୀ ନରେନ୍ଦ୍ର ସିଂଙ୍କର (Narendra singh) ଗତକାଲି ଦେହାନ୍ତ ହୋଇଛି | ଦୀର୍ଘ ଦିନ ଧରି ଅସୁସ୍ଥତା କାରଣରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି | ମୃତ୍ୟୁ ବେଳକୁ ତାଙ୍କୁ 75 ବର୍ଷ ହୋଇଥିଲା | ସୋମବାର ଦିନ ପାଟନାରେ ତାଙ୍କର ଦେହାନ୍ତ ହୋଇଛି | ରାଷ୍ଟ୍ରିଆ ସମ୍ମାନରେ ତାଙ୍କର ଶେଷକୃତ୍ୟ ସମ୍ପର୍ଣ୍ଣ ହୋଇଛି |

1970 ଦଶକରେ ରାଜ୍ୟର "ଜେପି ଆନ୍ଦୋଳନ"ରୁ ରାଜନୀତିରେ ଯୋଗ ଦେଇଥିଲେ ବିହାର ରାଜ୍ୟର ପୂର୍ବତନ କୃଷି ମନ୍ତ୍ରୀ (former agriculture minister) ନରେନ୍ଦ୍ର ସିଂ | ସେ ଜଣେ ରାଜନୀତିଜ୍ଞ ସହ ଉତ୍ତମ ବ୍ୟକ୍ତିତ୍ୱର ଅଧିକାରୀ ଥିଲେ |

ଜେପି ଆନ୍ଦୋଳନ (JP movement) ସମୟରେ ନରେନ୍ଦ୍ର ସିଂ ଜଣେ ଜ୍ୱଳନ୍ତ ଯୁବ ନେତା ଭାବରେ ପରିଗଣିତ ହୋଇଥିଲେ ଏବଂ ବର୍ତ୍ତମାନର ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଦୀର୍ଘ ଦିନର ବନ୍ଧୁ ଥିଲେ |

ତେବେ ଆସନ୍ତୁ ନଜର ପକାଇବା ମନ୍ତ୍ରୀଙ୍କ ବିଷୟରେ କିଛି ତଥ୍ୟ |

୧) ବିହାରର କେତେକ ପୁରୁଖା ରାଜନେତାଙ୍କ ମଧ୍ୟରୁ ନରେନ୍ଦ୍ର ସିଂ ଅନ୍ୟତମ, ରାଜ୍ୟର 3 ପ୍ରମୁଖ ଦଳର ନେତାମାନଙ୍କ ସହ ସମନ୍ଵୟ ରକ୍ଷା କରି ସେ କାର୍ଯ୍ୟ କରନ୍ତି | ନୀତୀଶ କୁମାର, ରାଷ୍ଟ୍ରିୟ ଜନତା ଦଳ (ଆରଜେଡି) ର ଲାଲୁ ପ୍ରସାଦ ଯାଦବ (Lalu Prasad Yadav) ଏବଂ ଲୋକ ଜନତା ପାର୍ଟିର ସ୍ୱର୍ଗତ ରାମ ଭିଲାସ ପାସୱାନ୍ ( LJP)ଙ୍କ ସହ ତାଙ୍କର ଭଲ ସମ୍ପର୍କ ରହିଥିଲା |

୨) ପୂର୍ବତନ କେନ୍ଦ୍ର ମନ୍ତ୍ରୀ ସ୍ୱର୍ଗତ ଦିଗବିଜୟ ସିଂଙ୍କ ପରେ ସେ ଜାମୁଇ ଏବଂ ବଙ୍କା ଅଞ୍ଚଳର ସବୁଠାରୁ ଜଣାଶୁଣା ଉଚ୍ଚ ଜାତିର ରାଜପୁତ ରାଜନେତା ଥିଲେ | ସେ ଜଣେ ଜ୍ୱଳନ୍ତ ସମାଜବାଦୀ ଥିଲେ |

3) ବିହାରର ପୂର୍ବତନ ମୁଖ୍ୟମନ୍ତ୍ରୀ (Former chief minister) କରପୁରୀ ଠାକୁରଙ୍କ ସମସାମୟିକ ନରେନ୍ଦ୍ର ସିଂ ଜଣେ ବିଶିଷ୍ଟ ସମାଜବାଦୀ ବ୍ୟକ୍ତିତ୍ୱ ତଥା ପୂର୍ବତନ ମନ୍ତ୍ରୀ ଶ୍ରୀକୃଷ୍ଣ ସିଂଙ୍କ ପୁତ୍ର ଥିଲେ |

4) "ଜେପି ଆନ୍ଦୋଳନ" ଯୁଗରୁ ନରେନ୍ଦ୍ର ସିଂ ଲାଲୁ ପ୍ରସାଦଙ୍କ(Lalu Prasad Yadav) ଘନିଷ୍ଠ ବନ୍ଧୁ ଅଟନ୍ତି | 1980 ଦଶକରେ ସେ ଜାମୁଇର ଚାକାଇରୁ ଜଣେ ବିଧାୟକ ଭାବରେ ନିଜର ରାଜନୀତି କ୍ୟାରିଅର୍ ଆରମ୍ଭ କରିଥିଲେ ଏବଂ ଜିଲ୍ଲାକୁ ଏକାଧିକ ଥର ସେବ କରିଥିଲେ |

7th Pay Commission: DAକୁ ନେଇ ଆସିଲା ବଡ଼ ଖବର; ବଢ଼ିଲା କର୍ମଚାରୀଙ୍କ ଦରମା,ଜାଣନ୍ତୁ କେତେ?

ଆରମ୍ଭ ହେଲା ଡିଜିଟାଲ୍ ଇଣ୍ଡିଆ ସପ୍ତାହ