ଚାଷୀଙ୍କ ପାଇଁ ଖୁସି ଖବର! ରସାୟନିକ ସାରର ବିକଳ୍ପ ସାଜିବ ଗୋବରରୁ ପ୍ରସ୍ତୁତ PROM

good news for farmers phosphate rich organic manure prom will become an alternative to dap fertilizer

ଡିଏପି(DAP)ଅର୍ଥାତ ଡାଇ ଆମୋନିୟମ ଫସଫେଟର ଦରବୃଦ୍ଧି ଓ ଅଭାବ ସମସ୍ୟାର ସମ୍ମୁଖିନ ହେଉଥିବା ଚାଷୀଙ୍କ ପାଇଁ ଆଶ୍ବସ୍ତିକର ଖବର । ଆଉ ଏହାର ବିକଳ୍ପ ସନ୍ଧାନରେ ରହିଛି ଚାଷ କ୍ଷେତ୍ରରେ ଆଗରେ ଥିବା ହରିୟାଣା ।

ଗାଈ ଗୋବରରୁ ପ୍ରସ୍ତୁତ ଖତ ଫସଫେଟ ରିଚ ଅର୍ଗାନିକ ମ୍ୟାନ୍ୟୋର(PROM-Phosphate Rich Organic Manure) ଫ୍ରୋମ ଡିଏପି ସାରର ବିକଳ୍ପ ହୋଇପାରେ ବୋଲି କହିଛନ୍ତି ରାଜ୍ୟର କୃଷିମନ୍ତ୍ରୀ । ଏହାକୁ କାର୍ଯ୍ୟକାରୀ କରିବା ପାଇଁ କୃଷି ବିଭାଗ, ପଶୁପାଳନ ବିଭାଗ, ଗୋ ସେବା ଆୟୋଗ ଓ ହରିୟାଣାର କୃଷି ବିଶ୍ବବିଦ୍ୟାଳୟର ଅଧିକାରୀମାନଙ୍କ ସହ ବିଚାର ବିମର୍ଶ କରାଯାଇଛି । ରବି ଫସଲ ଚାଷ ସମୟରେ ହରିୟାଣାର ଚାଷୀ ଡିଏପି ସଙ୍କଟର ସାମ୍ନା କରିଥିଲେ ।

ଏହି ସମୟରେ ଗହମ ଓ ସୋରିଷ ଚାଷରେ ଡିଏପିର ବିକଳ୍ପ ଭାବରେ ସିଙ୍ଗଲ ସୁପର ଫସଫେଟ(SSP)ଓ ୟୁରିଆ ପ୍ରୟୋଗ କରାଯାଇଥିଲା । ଏବେ ଖରିଫ ଫସଲ ଚାଷ ଋୁତୁ ମୁଣ୍ଡ ଉପରେ ରହିଛି । ଆଉ ଏହି ସମୟରେ ଡିଏପିର ବିକଳ୍ପ ଭାବରେ ଫ୍ରୋମ ବିଷୟରେ କହିଛନ୍ତି କୃଷିମନ୍ତ୍ରୀ । ରସାୟନିକ ସାର ତୁଳନାରେ ଚାଷୀ ଏହି ଜୈବିକ ସାରକୁ କେତେ ଆପଣାଉଛନ୍ତି, ତାହା ସମୟ କହିବ ।

କେଉଁଠି ହେଉଛି ଏହି ପ୍ରୋମ ପ୍ରସ୍ତୁତ...

ହରିୟାଣାର ହିସାର ଓ ଭିୱାନିର ଗୋଷାଳାରେ ଏହି ପ୍ରୋମ ଖତର ପ୍ରସ୍ତୁତି ଚାଲିଛି । ଆଇଆଇଟି, ଏଚଏମୟୁ ଲ୍ୟାବରେ ଏହି ଜୈବ ସାରର ପରୀକ୍ଷା ହୋଇସାରିଛି । ହରିୟାଣା ବିଶ୍ବବିଦ୍ୟାଳୟ ମଧ୍ୟ ଏହି ଖତର ଟ୍ରାଏଲ କରିବ ବୋଲି ଜଣାପଡିଛି । ଏହା ସଫଳ ହେଲେ ଦେଶର ଚାଷ କ୍ଷେତ୍ରରେ ଏକ କ୍ରାନ୍ତିକାରୀ ପଦକ୍ଷେପ ହେବ ।

ଅଗଷ୍ଟ ସୁଦ୍ଧା ଓଡ଼ିଶାରେ ଚାହିଦା ଠାରୁ କମ୍ ସାର ଯୋଗାଣ

ଟଳିଲା ବାତ୍ୟା ବିପଦ, କେଉଁଠି ହେବ ଲ୍ୟାଣ୍ଡଫଲ୍?