ଖୁସି ଖବର !ଏବେ ସରକାର ବାଣ୍ଟିବେ ମାଗଣା ରାସନ

Free ration for ration card holder

ଛତିଶଗଡ଼ ସରକାରଙ୍କ ବଡ଼ ନିଷ୍ପତ୍ତି । ଛତିଶଗଡ(Chhatishgarh)ରେ ପୁଣି ଆଉ ବର୍ଷକ ପାଇଁ ମାଗଣା ରାସନ ବାଣ୍ଟିବେ ସରକାର। କ୍ୟାବିନେଟ ବୈଠକରେ ମୁଖ୍ୟମନ୍ତ୍ରୀ ଭୁପେଶ ବାଘେଲ(Bhupesh Baghel) ଏହି ନିଷ୍ପତ୍ତି ନେଇଛନ୍ତି । ଜାନୁଆରୀରୁ ଡିସେମ୍ବର ପର୍ଯ୍ୟନ୍ତ, ରାସନ କାର୍ଡଧାରୀଙ୍କୁ ବିନା ଅର୍ଥରେ ରାସନ ଦିଆଯିବ। ଏହା ବ୍ୟତୀତ ଛତିଶଗଡରେ ଜୁଆ ଖେଳ(Gambling) ଉପରେ ପ୍ରତିବନ୍ଧକ ଲଗାଇବାକୁ କ୍ୟାବିନେଟରେ ନିଷ୍ପତ୍ତି ନିଆଯାଇଛି । ଏହା ସହିତ ସରକାରୀ କର୍ମଚାରୀମାନେ ଏପ୍ରିଲ ୨୦୨୨ରୁ ପୁରୁଣା ପେନସନ ଯୋଜନାର ଲାଭ ପାଇବେ। ଶୁକ୍ରବାର ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ଅଧ୍ୟକ୍ଷତାରେ ମୁଖ୍ୟମନ୍ତ୍ରୀଙ୍କ ବାସଭବନରେ ଏକ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ କେନ୍ଦ୍ର ସରକାର ରାଜ୍ୟର ଅଧିକାରୀ ଏବଂ କର୍ମଚାରୀଙ୍କୁ ଏନପିଏସ ପରିମାଣ ଫେରସ୍ତ କରିବାକୁ ମନା କରିବା ପରେ ମଧ୍ୟ ପୁରୁଣା ପେନସନ ଯୋଜନାର ଲାଭ ଦେବାକୁ ନିଷ୍ପତ୍ତି ନିଆଯାଇଛି ।

ଏହା ବ୍ୟତୀତ ମିଲିଆ ଡୁବିୟା ସମେତ ଅନ୍ୟ ଆର୍ଥିକ ଦୃଷ୍ଟିରୁ ଲାଭଦାୟକ ପ୍ରଜାତିର ୧୫ କୋଟି ଗଛ ଲଗାଇବାକୁ ଏକ ଲକ୍ଷ୍ୟ ଧାର୍ଯ୍ୟ କରାଯାଇଛି । ସରକାରୀ, ଅର୍ଦ୍ଧସରକାରୀ, ସ୍ୱୟଂଶାସିତ ଅନୁଷ୍ଠାନ, ବେସରକାରୀ ଶିକ୍ଷାନୁଷ୍ଠାନ, ବେସରକାରୀ ଟ୍ରଷ୍ଟ, ଅଣ-ସରକାରୀ ସଂଗଠନ, ପଞ୍ଚାୟତ ଏବଂ ନିଜ ଜମିରେ ଲଗାଇବାକୁ ଚାହୁଁଥିବା ଜମି ମାଲିକମାନେ ଏହି ଯୋଜନାର ଲାଭ ଉଠାଇ ପାରିବେ । ରାଜ୍ୟରେ ମିଲେଟସ୍ ମିଶନ୍ କାର୍ଯ୍ୟକ୍ରମର କାର୍ଯ୍ୟକାରିତା ସମ୍ପର୍କରେ ଆଲୋଚନା କରାଯାଇଛି । ଏହା ବ୍ୟତୀତ ଖାଦ୍ୟ, ମହିଳା ଏବଂ ଶିଶୁ ବିକାଶ, ଗ୍ରାମ ଶିଳ୍ପ, ସଂସ୍କୃତି, ବାଣିଜ୍ୟ ଏବଂ ଶିଳ୍ପ, ପର୍ଯ୍ୟଟନ, ଜନସମ୍ପର୍କ, ଗୃହ ଏବଂ ଜେଲ, ବାଣିଜ୍ୟିକ କର ଏବଂ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ମିଳିତ ପଦକ୍ଷେପ ଗ୍ରହଣ କରିବେ । ଛତିଶଗଡ ମୋଟର ଯାନ ଟିକସ ଅଧିନିୟମ ୧୯୯୧ ଏବଂ ନିୟମ ୧୯୯୧ ରେ ସଂଶୋଧନ ଡ୍ରାଫ୍ଟ ଯାନଗୁଡିକର ଅସ୍ଥାୟୀ ପଞ୍ଜୀକରଣ, ଟିକସ ବୃଦ୍ଧି ପାଇଁ ଅନୁମୋଦନ କରାଯାଇଛି ।

ପୂର୍ବରୁ କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି(Cabinet Decision) ନେଇ ସାରିଛନ୍ତି । ଗରିବଙ୍କୁ ମାଗଣା ଖାଦ୍ୟଶସ୍ୟ ଯୋଗାଣ ସମୟ ଅବଧିକୁ ଆଉ ବର୍ଷେ ବଢାଇଛନ୍ତି କେନ୍ଦ୍ର ସରକାର(Centre Extends Free Ration Scheme by 1 Year) । ଏନେଇ ଗତ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ନିଷ୍ପତ୍ତି ନିଆଯାଇଛି। ଏହି ଯୋଜନା ଆସନ୍ତା ୨୦୨୩ ମସିହା ପର୍ଯ୍ୟନ୍ତ ଲାଗୁହେବ।

ଏନେଇ କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ(Union Food Minister Piyush Goyal ) କହିଛନ୍ତି, " ଜାତୀୟ ଖାଦ୍ୟ ସୁରକ୍ଷା ଯୋଜନାରେ ୮୦ କୋଟି ହିତାଧିକାରୀଙ୍କୁ ଆଗାମୀ ୧ ବର୍ଷ ଯାଏଁ ମାଗଣା ଖାଦ୍ୟ ଶସ୍ୟ ଯୋଗାଇ ଦିଆଯିବ । ଏଥିପାଇଁ ହିତାଧିକାରୀଙ୍କୁ କୌଣସି ମୂଲ୍ୟ ଦେବାକୁ ପଡିବ ନାହିଁ । ଏଥିପାଇଁ ୨ ଲକ୍ଷ କୋଟି ଟଙ୍କା ଖର୍ଚ୍ଚ କରିବାକୁ ଯାଉଛନ୍ତି ସରକାର ।"

Organic Farming:ଜୈବିକ ଚାଷରେ ପୋକର ଆକ୍ରମଣ ହୋଇଥାଏ ଲାଭଦାୟକ!

ରାଜ୍ୟ ସରକାରୀ କର୍ମଚାରୀଙ୍କୁ ନୂଆବର୍ଷ ଉପହାର