MFOI 2024 Road Show
  1. କୃଷି ଖବର

ବାତ୍ୟା ସମୟରେ କେମିତି କରିବେ ଫସଲ ଓ ପ୍ରାଣୀ ସମ୍ପଦର ସୁରକ୍ଷା, ଜାଣନ୍ତୁ...

ବାତ୍ୟା ଅସାନି ପ୍ରଭାବରେ ଆସନ୍ତା 3 ଦିନ ପର୍ଯ୍ୟନ୍ତ ଉପକୂଳ ଜିଲ୍ଲାରେ ପ୍ରବଳ ବର୍ଷା ହେବାନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଏହି ପରିପ୍ରକ୍ଷୀରେ ଫସଲ ସୁରକ୍ଷା ତଥା ପରିଚାଳନା ପାଇଁ ପରାମର୍ଶ ଦେଇଛି କୃଷି ଓ କୃଷକ ସଶକ୍ତିକରଣ ବିଭାଗ ।

KJ Staff
KJ Staff
Know how to protect crops during Cyclone

Know how to protect crops during Cyclone

ବାତ୍ୟା ଅସାନି ପ୍ରଭାବରେ ରାଜ୍ୟ ଉପକୂଳବର୍ତ୍ତୀ ଜିଲ୍ଲାଗୁଡିକରେ ଆରମ୍ଭ ହୋଇଛି ବର୍ଷା । ଆସନ୍ତା 3 ଦିନ ପର୍ଯ୍ୟନ୍ତ ଉପକୂଳ ଜିଲ୍ଲାରେ ପ୍ରବଳ ବର୍ଷା ହେବାନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଏନେଇ ଏହି ଜିଲ୍ଲାଗୁଡିକୁ ସତର୍କ ସୂଚନା ଜାରି କରାଯାଇଛି । ସେପଟେ ବାତ୍ୟା ଯୋଗୁଁ ଚିନ୍ତାରେ ଅଛନ୍ତି ରାଜ୍ୟର ଚାଷୀ ।

ଦକ୍ଷୀଣ ଆଣ୍ଡାମାନ ସାଗର ତଥା ଏହାର ପାର୍ଶ୍ବବର୍ତ୍ତୀ ଅଞ୍ଚଳରେ ସକ୍ରିୟ ଥିବା ଲଘୁଚାପ କ୍ଷେତ୍ର ଅଧିକ ଘନୀଭୂତ ହୋଇ ବାତ୍ୟାରେ ପରିଣତ ହେବାସହ ଉତ୍ତର ଆନ୍ଧ୍ର ଓ ଓଡିଶା ଉପକୂଳରେ ପହଞ୍ଚିବାର ସମ୍ଭାବନା ରହିଛି । ଏହା ପ୍ରଭାବରେ ଉପକୂଳ ଓଡିଶାର ଜିଲ୍ଲାଗୁଡିକରେ ହାଲୁକାରୁ ମଧ୍ୟମ ଧରଣର ବର୍ଷା ହେବା ସହିତ ଗଞ୍ଜାମ, ପୁରୀ, ଖୋର୍ଦ୍ଧା, ଜଗତସିଂହପୁର ଜିଲ୍ଲାର ଗୋଟିଏରୁ 2ଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି । ଏହି ପରିପ୍ରକ୍ଷୀରେ ଫସଲ ସୁରକ୍ଷା ତଥା ପରିଚାଳନା ପାଇଁ ପରାମର୍ଶ ଦେଇଛି କୃଷି ଓ କୃଷକ ସଶକ୍ତିକରଣ ବିଭାଗ ।

ବାତ୍ୟା ସମୟରେ ଫସଲ ଓ ପ୍ରାଣୀ ସମ୍ପଦର ସୁରକ୍ଷା

-ଡାଳୁଅ ଧାନ 85 ପ୍ରତିଶତ ପାକଳ ହୋଇ ଯାଇଥିଲେ ଏହାକୁ ଅମଳ କରି ସୁରକ୍ଷିତ ସ୍ଥାନରେ ରଖନ୍ତୁ ଏବଂ ବିଳମ୍ବରେ ଲଗାଯାଇଥିବା ଧାନ ଫସଲରୁ ଅତ୍ୟଧିକ ଜଳ ନିଷ୍କାସନର ବ୍ୟବସ୍ଥା କରନ୍ତୁ । ବର୍ଷାର ଆଶଙ୍କା ଥିବାରୁ ଫସଲରେ ରୋଗ ନାଶକ ଏବଂ କୀଟନାଶକ ଆଦି ପ୍ରୟୋଗ କରନ୍ତୁ ନାହିଁ ।

-ମୁଗ, ବିରି, ଚିନାବାଦାମ ଆଦି ଫସଲକୁ ଅମଳ କରି ସୁରକ୍ଷିତ ରଖନ୍ତୁ ।

-ପନିପରିବା ଫସଲରୁ ଅତ୍ୟଧିକ ଜଳ ନିଷ୍କାସନର ବ୍ୟବସ୍ଥା କରନ୍ତୁ ଏବଂ ଲତା ଜାତୀଯ ପନିପରିବାରେ ରଞ୍ଜା ଦିଅନ୍ତୁ ।

-କଦଳୀ, ଅମୃତଭଣ୍ଡା ଆଦି ଗଛରେ ଢେରା ଦିଅନ୍ତୁ ।

-ଗୃହପାଳିତ ପ୍ରାଣୀମାନଙ୍କୁ ବାହାରକୁ ଚରିବାକୁ ଛାଡନ୍ତୁ ନାହିଁ । ସ୍ବଚ୍ଛ ପାନୀୟ ଜଳ ଏବଂ ଖାଦ୍ୟ ମହଜୁଦ ରଖନ୍ତୁ ଏବଂ ଗୁହାଳର ଆବଶ୍ୟକୀୟ ମାରାମତି କରନ୍ତୁ ।

ଲଘୁଚାପର ପରବର୍ତ୍ତୀ ସମୟରେ ଫସଲର ଯତ୍ନ

-ଲଘୁଚାପ ପରବର୍ତ୍ତୀ ସମୟରେ ଓ 305 ଦିନ ପରେ ଫସଲର ସମ୍ଭାବ୍ୟ ବୃଦ୍ଧି କ୍ଷମତା ମୂଲ୍ୟାଙ୍କନ କରି ଆବଶ୍ୟକୀୟ ପଦକ୍ଷେପ ନିଅନ୍ତୁ ।

-ଫଳ ବଗିଚାରେ ଭାଙ୍ଗି ଯାଇଥିବା ଡାଳ ଆଦିକୁ ସଫା କରନ୍ତୁ ଏବଂ ଉପୁଡି ଯାଇଥଇବା ଅମୃତଭଣ୍ଡା ଏବଂ କଦଳୀ ଗଛକୁ ସମ୍ପୂର୍ଣ୍ଣ ଭାବେ ଓପାଡି ନୂଆ ଗଛ ଲଗାନ୍ତୁ । ଭାଙ୍ଗି ଯାଇଥିବା ଅନ୍ୟ ଗଛଗୁଡିକୁ ଢେରା ଦିଅନ୍ତୁ ।

-ବର୍ଷା ସମୟରେ ଧାନ ଫସଲରେ ମାଟିଆଗୁଣ୍ଡି ପୋକ ଏବଂ ଧଳା ପିଠିଆ ମାଟିଆ ଗୁଣ୍ଡି ପୋକ ଲାଗିବାର ସମ୍ଭାବନା ରହିଛି । ଏହାର ପରିଚାଳନା ପାଇଁ ଯବକ୍ଷାରଯ଼ାନ ସାର ପ୍ରୟୋଗକୁ ସୀମିତ କରିବା ସହିତ ଅଧିକ ସମୟ ପର୍ଯ୍ୟନ୍ତ ଠିଆ ପାଣି ରଖନ୍ତୁ ନାହିଁ । ଏହି ପୋକମାନଙ୍କ ଦମନ ପାଇଁ ଏକର ପ୍ରତି 120 ଗ୍ରାମ ପାଇ ମେଟ୍ରୋଜେନ କିମ୍ବା 80 ଗ୍ରାମ ଡାଇନୋଟ ଫୁରାନ କିମ୍ବା 60 ଗ୍ରାମ ଫ୍ଲୋନିକାମିଡ 200 ଲିଟର ପାଣିରେ ମିଶାଇ ବୁଦା ମୂଳରେ ସିଞ୍ଚନ କରନ୍ତୁ ।

-ସାମାନ୍ୟ କ୍ଷତି ହୋଇଥିବା କଦଳୀଫସଲରେ ଏମ.ଓ.ପି ସିଞ୍ଚନ କରନ୍ତୁ ଏବଂ ନୂଆ କରି ବାହାରୁଥିବା କାନ୍ଦିରେ 5 ଗ୍ରାମ ପୋଟାସିୟମ ସଲଫେଟ ଏବଂ 10 ଗ୍ରାମ ଯୁରିଆ ପ୍ରତି ଲିଟର ପାଣିରେ ମିଶାଇ ସିଞ୍ଚନ କରନ୍ତୁ ।

ଆଖୁ ଫସଲ ପବନରେ ନଇଁ ପଡିଥିଲେ ଉଠାଇ ଦିଅନ୍ତୁ

ବର୍ଷା ପରେ ବିଲାତି ବାଇଗଣ ଫସଲରେ 1 ପ୍ରତିଶତ ପୋଟାସିୟମ ନାଇଟ୍ରେଟ ପ୍ରୟୋଗ କରନ୍ତୁ ଏବଂ ତରଭୁଜ ଫସଲରେ ଧଳାମାଛି ପୋକର ପ୍ରାଦୁର୍ଭାବ ଦେଖାଦେଲେ, ସଙ୍ଗ ଆକର୍ଷଣ ଯ଼ନ୍ତା ହେକ୍ଟର ପିଛା 10ଟି ଲେଖାଏଁ ଲଗାନ୍ତୁ

୧୧ରେ ଗଞ୍ଜାମ, ପୁରୀ, ଖୋର୍ଦ୍ଧା, କଟକ ଓ ଜଗତସିଂହପୁରରେ ବର୍ଷିବ । ସେହିଭଳି ୧୨ରେ ପୁରୀ, ଜଗତସିଂହପୁର, କଟକ, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱରରେ ବର୍ଷା ହେବ। ଏହା ସହ ୧୨ରେ ପାରାଦୀପ ନିକଟରେ ଦୁର୍ବଳ ହୋଇ ବାତ୍ୟା ରୂପରେ ଅତିକ୍ରମ କରିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।

ପୁରୀଠାରୁ ପ୍ରାୟ ୫୯୦ କିଲୋମିଟର ଦୂରରେ ଅସାନି । ଦକ୍ଷିଣ, ଦକ୍ଷିଣ-ପଶ୍ଚିମ ଦିଗରେ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ କେନ୍ଦ୍ରୀଭୂତ ହୋଇଛି। ସେହିପରି ଏହା ଗୋପାଳପୁରଠାରୁ ଦକ୍ଷିଣ, ଦକ୍ଷିଣ-ପଶ୍ଚିମରେ ୫୧୦ କିଲୋମିଟରେ ଦୂରରେ ରହିଛି । ଘଣ୍ଟା ପ୍ରତି ୧୨ କିଲୋମିଟର ବେଗରେ ପଶ୍ଚିମ, ଉତ୍ତର-ପଶ୍ଚିମ ଦିଗରେ ଗତି କରୁଥିବା ପାଣିପାଗ ବିଭାଗ ସୂଚନା ଦେଇଛି ।

Cyclone Updates:୧୬ ଘଣ୍ଟାରେ ଦୁର୍ବଳ ହେବ ବାତ୍ୟା 'ଅସାନି', ଆଜିଠୁ ପ୍ରବଳ ବର୍ଷା

ଭୀଷଣ ବାତ୍ୟାରେ ପରିଣତ ହେଲା 'ଅସାନି', ତିନି ରାଜ୍ୟକୁ ଚାରି ଦିନ ଆଲର୍ଟ ଜାରି

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Share your comments