ଫେସବୁକରେ ଚାକିରି କରିବ ଚାଷୀ ପୁଅ, ଜାଣନ୍ତୁ ମିଳିବ କେତେ ଦରମା

kolkala jadavpur university student bisakh mandal get job in facebook

ଆଜିକାଲି ଗୁଗଲ, ଆମାଜନ, ଫେସବୁକ ଭଳି ବଡ ବଡ କମ୍ପାନୀରେ ଚାକିରି କରିବାରସ ସ୍ବପ୍ନ ଦେଖୁଛନ୍ତି ଯୁବବର୍ଗ । ହେଲେ ନିଜର କଠିନ ପରିଶ୍ରମ ବଳରେ କିଛି ଜଣ ହିଁ ଏହି ସ୍ବପ୍ନ ପୁରା କରିପାରନ୍ତି । ହେଲେ କୋଲକାତା(Kolkata)ର ବୀରଭୂମ ଜିଲ୍ଲାର ରାମପୁରହାଟର ଜଣେ ଚାଷୀର ପୁଅ ନିଜର ଏହି ସ୍ବପ୍ନକୁ ସତ ପ୍ରମାଣିତ କରିପାରିଛି ।

• କୋଲକାତାର ଯାଦବପୁର ବିଶ୍ୱବିଦ୍ୟାଳୟ(Jadavpur University)ରେ ପଢୁଥିବା ଜଣେ ଚାଷୀଙ୍କ ପୁଅ ଲଣ୍ଡନରେ ବାର୍ଷିକ 1.8 କୋଟି ଟଙ୍କା ପ୍ୟାକେଜ୍ ସହିତ ଫେସବୁକରେ ପାଇଛନ୍ତି ଚାକିରି କରିବାର ସୁଯୋଗ । ବିଶ୍ୱବିଦ୍ୟାଳୟର ଚତୁର୍ଥ ବର୍ଷର କମ୍ପ୍ୟୁଟର ସାଇନ୍ସ ଛାତ୍ର ବିଶାଖ ମଣ୍ଡଳ ସେପ୍ଟେମ୍ବରରେ ଲଣ୍ଡନ ଯିବେ ।

ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବିଶାଖ ମଣ୍ଡଳ ଫେସବୁକରେ ଏପରି ବଡ ପ୍ୟାକେଜରେ କାମ କରିବାର ସୁଯୋଗକୁ ନେଇ ଖୁସି ବ୍ୟକ୍ତ କରି କହିଛନ୍ତି । ମଙ୍ଗଳବାର ରାତିରେ ସେ ଏହି ଚାକିରି ଅଫର ପାଇଥିଲେ । ଗତ ଦୁଇ ବର୍ଷ ମଧ୍ୟରେ କୋଭିଡ ମହାମାରୀ ସମୟରେ ସେ ଅନେକ ସଂସ୍ଥାରେ ଇଣ୍ଟର୍ନସିପ୍ କରିବା କରିବାର ସୁଯୋଗ ପାଇଥିଲେ । ଏହା ତାଙ୍କୁ ଇଣ୍ଟରଭ୍ୟୁରେ ସଫଳତା ପ୍ରାପ୍ତ କରିବାରେ ସାହାଯ୍ୟ କରିଥିବା କହିଛନ୍ତି ବିଶାଖ ।

ଦେଶର ଖ୍ୟାତିସମ୍ପନ୍ନ କୋଟିପତି ବ୍ୟବସାୟୀଙ୍କ ପରଲୋକ

Job:ପୂର୍ବତଟ ରେଳବାଇରେ ନିଯୁକ୍ତି, ଖାଲିପଡିଛି ୭୫୬ଟି ପଦବୀ

ଗୁଗଲ୍(Google) ଏବଂ ଆମାଜନ(Amazon)ରୁ ମଧ୍ୟ ମଣ୍ଡଳଙ୍କୁ ଅଫର୍ ମିଳିଥିଲା, କିନ୍ତୁ ସେ ଫେସବୁକ(Facebook)ର ଚାକିରି ଅଫର୍ ବାଛିଥିଲେ । ଫେସବୁକ ବିଶାଙ୍କୁ ଅଧିକ ପ୍ୟାକେଜରେ ଅଫର ଦେଇଛି । ସେ ଏକ ସାକ୍ଷାତକାରରେ କହିଛନ୍ତି, ଏହି ଚାକିରି ଗ୍ରହଣ କରିବା ପୂର୍ବରୁ ଗୁଗଲ ଏବଂ ଆମାଜନରୁ ଅଫର ପାଇଥିଲି । ମୁଁ ଭାବିଲି ଫେସବୁକ ବାଛିବା ଭଲ ହେବ କାରଣ ସେମାନଙ୍କ ପକ୍ଷରୁ ପ୍ୟାକେଜ ବହୁତ ବଡ ଥିଲା । ଅନ୍ୟପକ୍ଷରେ, ସେ ଏପରି ପ୍ୟାକେଜରେ ଫେସବୁକରେ ଚାକିରି ପାଇଥିବାରୁ ତାଙ୍କ ପରିବାର ବହୁତ ଖୁସି ବୋଲି ମଣ୍ଡଳ କହିଛନ୍ତି ।

ବୀରଭୂମ ଜିଲ୍ଲାର ରାମପୁରହାଟର ବାସିନ୍ଦା ବିଶାଖ ମଣ୍ଡଳ ଏକ ସାଧାରଣ ଚାଷୀ ପରିବାରୁ ଆସିଛନ୍ତି । ଇଣ୍ଡିଆନ୍ ଏକ୍ସପ୍ରେସର ରିପୋର୍ଟ ଅନୁଯାୟୀ, ତାଙ୍କ ମାଆ ଶିବାନୀ ମଣ୍ଡଳ ଅଙ୍ଗନୱାଡି କର୍ମୀ ଏବଂ ବାପା ଜଣେ ଚାଷୀ ।