ତାତି ଛୁଇଁଲା ୪୩ ଡିଗ୍ରୀ :୧୬ ତାରିଖ ଯାଏଁ ରାଜ୍ୟରେ କାଳବୈଶାଖୀ

today sonepur and balangir are the hottest cities

ରାଜ୍ୟରେ ବଢି ଚାଲିଛି ଗ୍ରୀଷ୍ମ ପ୍ରବାହ (Heat Wave)। ଗତ କିଛି ଦିନ ହେବ ପାରଦ ବଢିବାରେ ଲାଗିଛି । ଭୀଷଣ ଗରମରେ ଅସ୍ତବ୍ୟସ୍ତ ସାଧାରଣ ଜୀବନ । ଦିନ ବେଳେ ବାହାରକୁ ବାହାରିବା ମୁସ୍କିଲ ହୋଇ ଗଲାଣି । କେଉଁ ଦିନ ତାତିରେ ହିଁ ଟିଟିଲାଗଡ ରେକର୍ଡ କାଟୁଛି ତ ଆଉ କେଉଁ ଦିନ ସୋନପୁର ଆଉ କେଉଁ ଦିନ ତ ବଲାଙ୍ଗିର ।

ସୂଚନା ଅନୁଯାୟୀ, ସୋମବାର (Monday)ବାରିପଦା ରାଜ୍ୟର ସବୁଠୁ ଉତ୍ତପ୍ତ ସହର ରହିଥିବା ବେଳେ ମଙ୍ଗଳବାର (Tuesday)ସୋନପୁର ଏବଂ ବଲାଙ୍ଗିର ଜିଲ୍ଲା ଯୁଗ୍ମ ଭାବେ ଉତ୍ତପ୍ତ ସହର ପାଲଟିଛନ୍ତି । ଦୁଇ ସହରରେ ପାରଦ ୪୩ ଡିଗ୍ରୀ ରେକର୍ଡ କରାଯାଇଛି । ଏଥିସହ ଆଜି ୧୧ ସହରରେ ତାପମାତ୍ରା ୪୦ ଡିଗ୍ରୀ ଟପିଛି । ବିଶେଷ କରି ପଶ୍ଚିମ ଓଡିଶା (ODISHA)ରେ ତତଲା କଡେଇରେ ପରିଣତ ହୋଇଛି ।

ଆଜି ବୁଧବାର (Wednesday) ଝାରସୁଗୁଡା ଜିଲ୍ଲାରେ ୪୨.୬ ଡିଗ୍ରୀ, ବାରିପଦା ଏବଂ ଟିଟିଲାଗଡରେ ୪୨ ଡିଗ୍ରୀ, ସମ୍ବଲପୁର ଜିଲ୍ଲା, ବୌଦ୍ଧ ଜିଲ୍ଲା ଓ ସୁନ୍ଦରଗଡ ଜିଲ୍ଲାରେ ତାପମାତ୍ରା ୪୧.୫ ଡିଗ୍ରୀ ରହିଛି । ଆଜି ବି ରାଜ୍ୟର ପାଗ ଶୁଖିଲା ରହିବ ଓ ଟାଣ ଖରା ସହ ତାପମାତ୍ରା ଅଧିକ ରହିବ ବୋଲି ଜଣାପଡ଼ିଛି । ଭବାନୀପାଟଣାରେ ୪୧, ହୀରାକୁଦରେ ୪୦.୭ ଡିଗ୍ରୀ ରେକର୍ଡ କରାଯାଇଛି । କଟକରେ ୩୬.୨ ଏବଂ ଭୁବନେଶ୍ଵର (BHUBANESWAR)ରେ ତାପମାତ୍ରା ୩୭.୨ ଡିଗ୍ରୀ ରହିଛି ।

ପ୍ରକାଶ ଥାଉ ଯେ, ଅନ୍ୟପଟେ ଆସନ୍ତାକାଲି ଠାରୁ ୧୬ ତାରିଖ ପର୍ଯ୍ୟନ୍ତ ରାଜ୍ୟରେ କାଳବୈଶାଖୀ ହେବାର ସମ୍ଭାବନା ରହିଛି । ତିନି ଦିନ ପାଇଁ ପାଣିପାଗ କେନ୍ଦ୍ର ପକ୍ଷରୁ ୟେଲୋ ୱାର୍ଣ୍ଣିଂ (yellow warning) ଜାରି କରାଯାଇଛି । ଏହାରି ଭିତରେ ମୌସୁମୀକୁ ନେଇ ଏକ ଭଲ ଖବର ଆସିଛି । ଚଳିତ ବର୍ଷ ଦକ୍ଷିଣ-ପଶ୍ଚିମ ମୌସୁମୀ ବାୟୁର ପ୍ରଭାବ ସ୍ୱାଭାବିକ ରହିବ ବୋଲି ଆକଳନ କରାଯାଇଛି । ସ୍କାଏମେଟର ଆକଳନ ଅନୁଯାୟୀ ମୌସୁମୀ ବାୟୁ ପ୍ରଭାବରେ ସାରା ଦେଶରେ ସ୍ୱଭାବିକ ବର୍ଷା (Rain)ହେବ ।

ଦିନକୁ ଦିନ ବଢୁଛି ତାତି, ଆଗାମୀ ୨୪ ଘଣ୍ଟା ମଧ୍ୟରେ ଏସବୁ ଜିଲ୍ଲାରେ ବର୍ଷା

ତାତିରେ ସିଝୁଛି ଓଡିଶା,୧୩ ତାରିଖରୁ ଆହୁରି ବଢ଼ିବ