ତ୍ୱଚା ପାଇଁ ସୋରିଷ ତେଲ

Health and skin benefits of mustard oil

ପ୍ରତି ଘରେ ଘରେ ସୋରିଷ ତେଲର ବ୍ୟବହାର ନିହାତି ଏକ ସାଧାରଣ କଥା । ସୋରିଷ ତେଲକୁ ଖାଦ୍ୟ ତିଆରି, ତ୍ୱଚାର ଚମକ, ବଡି ମସାଜ ଓ ଦାନ୍ତ ସଫା ଆଦି ପାଇଁ ବ୍ୟବହାର କରାଯାଏ । ସୋରିଷ ତେଲ ପ୍ରାକୃତିକ ରୂପରେ ତ୍ୱଚା ପାଇଁ ଖୁବ୍ ଉପକାରୀ ହୋଇଥାଏ । ଯଦି ଆପଣମାନେ ଶୀତ ଦିନେ ଗାଧୋଇବା ପୂର୍ବରୁ ସୋରିଷ ତେଲ ଲଗାଉଥାନ୍ତି । ଏହା ଦ୍ୱାରା ତ୍ୱଚାରୁ ଧୂଳି-ମଳି ସହଜରେ ଛାଡିଯାଇଥାଏ । ତ୍ୱଚା ମୂଳ ଶକ୍ତ ରହେ ।

ଏଥିରେ ଭିଟାମିନ୍ ଇ ରହିଛି, ଯାହା ତ୍ୱଚାକୁ ଉଜ୍ଜ୍ୱଳ କରାଇଥାଏ । ତ୍ୱଚା ଶିଥିଳତା କିମ୍ବା କୁଞ୍ଚନ ହେବାରୁ ରକ୍ଷାପାଏ । ବିଶେଷ କରି ଶୀତଦିନେ ସୋରିଷ ତେଲର ଉପକାରିତା, ତ୍ୱଚା ପାଇଁ ବେଶ ଉପଯୋଗୀ ଏବଂ ସୌନ୍ଦର୍ଯ୍ୟ ବଢାଏ । ତେବେ ଚାଲନ୍ତୁ ଜାଣିବା ସୋରିଷ ତେଲର ଉପକାରିତା ବିଷୟରେ ।

ପ୍ରତିଦିନ ମୁହଁରେ ଖାଣ୍ଟି ସୋରିଷ ତେଲ ଲଗାଇ ଦଶ ମିନିଟ୍ ପରେ ଥଣ୍ଡା ପାଣିରେ ଧୁଅନ୍ତୁ, ଦେଖିବେ ମୁହଁ ଫାଟିବ ନାହିଁ ।

ସୋରିଷ ତେଲରେ ବେସନ, ଦହି, ଲେମ୍ବୁ ରସ ଫେଣ୍ଟି ସପ୍ତାହରେ ତିନି ଥର କିମ୍ବା ଚାରି ଥର ମୁହଁରେ ଲଗାନ୍ତୁ । ତ୍ୱଚା ନରମ ହେବ ।

ସୋରିଷ ତେଲ ଲଗାଇଲେ କେଶ ଚମକେ । କେଶ ମୂଳକୁ ସୋରିଷ ତେଲରେ ନିୟମିତ ଘଷନ୍ତୁ । କେଶ ସୁସ୍ଥ ରହିବା ସହ ରୁପି ମଧ୍ୟ ହେବ ନାହିଁ କି କେଶ ଝଡିବନାହିଁ ।

କେଶରେ ଉଷୁମ ସୋରିଷ ତେଲ ଲଗାଇ ଅଧ ଘଣ୍ଟା ପରେ ଧୁଅନ୍ତୁ, କେଶ ବଢିବ ।

କେଶରେ ଯଦି କୌଣସି କେମିକାଲ ଟ୍ରିଟମେଂଟ୍ କରିଥାନ୍ତି, ତେବେ କେଶ ଝଡିବା ସମସ୍ୟା ଦେଖାଯାଇଥାଏ । ଏପରି ସମସ୍ୟା ଦେଖାଦେଉଥିଲେ ସୋରିଷ ତେଲରେ ମେଥିଗୁଣ୍ଡ ମିଶାଇ, କେଶରେ ପ୍ୟାକ୍ ଭଳି ଲଗାଇ କିଛି ସମୟ ରଖିବା ପରେ ସାମ୍ପୁ କରି କେଶ ଧୋଇ ଦିଅନ୍ତୁ । ଦେଖିବେ ଫାଇଦା ।

ଶୀତ ଦିନ ଆରମ୍ଭ ହେବା ପୂର୍ବରୁ ସୋରିଷ ତେଲ ନିୟମିତ ଦେହ ଏବଂ ତ୍ବଚାରେ ମାଲିସ୍ କରିବା ଦ୍ବାରା ତ୍ୱଚା ପାଇଁ ବେଶ ଲାଭଦାୟକ ହୋଇଥାଏ ।

ତ୍ୱଚାରେ କଳାଦାଗ ହୋଇଥିଲେ, ବେସନରେ ସୋରିଷ ତେଲ ମିଶାଇ ତ୍ୱଚାରେ ପ୍ୟାକ୍ ଭଳି ଲଗାଇ ପାରିବେ । ଏହି ପ୍ୟାକ୍ ତ୍ୱଚାକୁ ବହୁ ପୋଷଣ ଯୋଗାଇଥାଏ ।

କେଶକୁ ଘନ ଓ ଲମ୍ୱା କରିବ ଅଦା

ଗ୍ଲୋ କରିବ ସ୍କିନ୍‌, ଲଗାନ୍ତୁ ପିଜୁଳି ପତ୍ରର ଫେସ୍‌ ପ୍ୟାକ୍‌