ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି ଦିଏ ଏହି ଫୁଲରେ ପ୍ରସ୍ତୁତ କାଢା...

how to make harsingar parijata kadha know benefits

ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି ପାଇବା ପାଇଁ ଲୋକେ ବିଭିନ୍ନ ପ୍ରକାରର ଅଏଣ୍ଟମେଣ୍ଟ ବ୍ୟବହାର କରନ୍ତି । କିନ୍ତୁ ଆୟୁର୍ବେଦରେ ଆଣ୍ଠୁଗଣ୍ଠି ଯନ୍ତ୍ରଣାକୁ କମ୍‌ କରିବା ପାଇଁ ଗଙ୍ଗଶିଉଳି ଫୁଲ ଓ ପତ୍ରରେ ପ୍ରସ୍ତୁତ କାଢ଼ାକୁ ରାମବାଣ ବୋଲି କୁହାଯାଇଛି । ଏହି କାଢ଼ାକୁ ଦିନରେ ଦୁଇ ଥର ଗୋଟିଏ କପ୍‌ ପାଣିରେ ୪୦ ରୁ ୪୫ ଦିନ ପର୍ଯ୍ୟନ୍ତ ପିଇଲେ ଆଣ୍ଠୁଗଣ୍ଠି ଯନ୍ତ୍ରଣା କମ୍‌ ହୋଇଥାଏ ।

ତାହେଲେ ଚାଲନ୍ତୁ ଜାଣିବା ଏହି କାଢ଼ାକୁ ଘରେ କିପରି ପ୍ରସ୍ତୁତ କରିବେ।

ଆବଶ୍ୟକୀୟ ସାମଗ୍ରୀ,ଜାଣନ୍ତୁ...

• ୧୦୦ ଗ୍ରାମ୍‌ ଗଙ୍ଗଶିଉଳି ଫୁଲ ଓ ପତ୍ର
• ୪ ଗ୍ରାମ୍‌ ଚୂନ (ପାନରେ ଲଗା ଯାଉଥିବା ଚୂନ)
• ୧ ଲିଟର ପାଣି
• ଲେମ୍ୱୁ ରସ
• ଗୁଡ଼ କିମ୍ୱା ମହୁ

ପ୍ରସ୍ତୁତି ପ୍ରଣାଳୀ, ଜାଣନ୍ତୁ...

ଗଙ୍ଗଶିଉଳି ଫୁଲ ଓ ପତ୍ରକୁ ଧୋଇ ଭଲ ଭାବରେ ହିଁ ଶୁଖାଇ ଦିଅନ୍ତୁ । ଏହା ପରେ ଏହାକୁ ଭଲ ଭାବେ ଗୁଣ୍ଡ କରି ଦିଅନ୍ତୁ । ଏହି ଗୁଣ୍ଡକୁ ଅଧିକ ଦିନ ପର୍ଯ୍ୟନ୍ତ ରଖିବା ପାଇଁ ଚାହୁଁଥିଲେ, ମଝିରେ ମଝିରେ ଖରାରେ ଶୁଖାନ୍ତୁ । ଏହା ପରେ ଯେବେ ବି କାଢ଼ା ତିଆରି କରିବାକୁ ଚାହୁଁଛନ୍ତି, ଗରମ ପାଣିରେ ଏହି ଗୁଣ୍ଡକୁ ପକାଇ ଫୁଟାନ୍ତୁ ।

ମନେ ରଖନ୍ତୁ କି, ୧ ଲିଟର ପାଣିରେ ଗଙ୍ଗଶିଉଳି ପତ୍ର ଓ ଫୁଲ ଗୁଣ୍ଡକୁ ପକାଇ ଅଳ୍ପ ଆଞ୍ଚରେ ଫୁଟାଇବେ । ଏହି ପାଣି ଫୁଟି କରି ଗୋଟିଏ କପ୍ ହୋଇଗଲେ ଆଞ୍ଚରୁ ଓହ୍ଲାଇ ଆଣିବେ । ପରେ ଏହି ମିଶ୍ରଣକୁ ଛାଣି ଏଥିରେ ଚୂନ, ଲେମ୍ବୁ ରସ ଓ ମହୁ ପକାଇ ଗୋଳାଇ ଦିଅନ୍ତୁ ଏବଂ ଉଷୁମ ଉଷୁମ ପିଅନ୍ତୁ ।

ଗଙ୍ଗଶିଉଳି ପତ୍ରରେ ପ୍ରସ୍ତୁତ କାଢ଼ାର ଉପକାରିତା, ଜାଣନ୍ତୁ...

ଯଦି ଆପଣଙ୍କର କେଶ ଝଡ଼ିବା ସମସ୍ୟା ରହିଛି, ତା ହେଲେ ଏହି କାଢ଼ାକୁ ୩୦ ମିନିଟ୍‌ ପର୍ଯ୍ୟନ୍ତ ମୁଣ୍ଡରେ ଲଗାନ୍ତୁ । ଏହିପରି ଭାବରେ ୨୧ ଦିନ ଲଗାନ୍ତୁ । ଦେଖିବେ କେଶ ଝଡ଼ିବା ସମସ୍ୟାରୁ ଆପଣ ମୁକ୍ତି ପାଇବେ ।

ଡେଙ୍ଗୁ, ମ୍ୟାଲେରିଆ ପରି ଜ୍ୱର ଓ ଚିକେନ୍‌ଗୁନିଆ ରୋଗକୁ ଭଲ କରିବା ପାଇଁ ଗଙ୍ଗଶିଉଳି କାଢ଼ା ବେଶ ଲାଭଦାୟକ ହୋଇଥାଏ ।

ଛୋଟ ଛୁଆଙ୍କର କୃମି ସମସ୍ୟା ଥିଲେ, ସକାଳେ, ଦ୍ୱିପ୍ରହରରେ ଓ ସନ୍ଧ୍ୟାରେ ସେମାନଙ୍କୁ ଗୋଟିଏ ଚାମଚ ଲେଖାଏ କାଢ଼ା ଦିଅନ୍ତୁ । ଏହାଦ୍ୱାରା ଛୁଆଙ୍କ ପେଟରୁ କୃମି ସଫା ହୋଇଯିବ ।

ଧ୍ୟାନରେ ରଖନ୍ତୁ କି...ଏହି ସମସ୍ତ ଆୟୁର୍ବେଦିକ ଚିକିତ୍ସା ଅନୁସରଣ କରିବା ପୂର୍ବରୁ ଆୟୁର୍ବେଦିକ ଡାକ୍ତରମାନଙ୍କ ସହିତ ଅବଶ୍ୟ ପରାମର୍ଶ କରନ୍ତୁ ।

କରୋନାରୁ ରକ୍ଷା ପାଇବାକୁ ଚାହୁଁଥିଲେ ପିଅନ୍ତୁ ଲବଙ୍ଗ ପାଣି, ଦେଖିବେ କମାଲ

କ୍ଷୀରରେ ମିଶେଇ ପିଅନ୍ତୁ ଏହି ଗୋଟିଏ ଜିନିଷ, କୌଣସି ରୋଗ ପାଖ ମାଡିବନି