ଅଧିକ ଲେମ୍ବୁ ପାଣି ପିଉଛନ୍ତି କି ? ଉପୁଜିଥାଏ ଏହି ସବୁ ସମସ୍ୟା

side effects of drinking too much lemon watern

ଲେମ୍ବୁ ପାଣି (Lemon water)ପିଇଲେ ଓଜନ କମିବା ସହ ଗ୍ୟାସ୍ ସମସ୍ୟା ଦୂର ହୋଇଥାଏ । କିନ୍ତୁ ଅତ୍ୟଧିକ ଲେମ୍ବୁ ପାଣି ପିଇବା ସ୍ୱାସ୍ଥ୍ୟ ପାଇଁ ହୋଇପାରେ କ୍ଷତିକାରକ । ଏହା ବିଭିନ୍ନ ପ୍ରକାର ଶାରିରୀକ ସମସ୍ୟାର କାରଣ ହୋଇପାରେ ବୋଲି ଗବେଷଣାରୁ ଜାଣିବାକୁ ମିଳିଛି ।

-ଦିନକୁ ୨ ଥର ଲେମ୍ବୁ ପାଣି ପିଉଥିବା ବ୍ୟକ୍ତିର ସ୍ୱାସ୍ଥ୍ୟ ଠିକ୍ ଥିବା ବେଳେ ୪ ରୁ ୫ ଥର ଲେମ୍ବୁ ପାଣି (Lemon water)ପିଇବା ବ୍ୟକ୍ତି ବିଭିନ୍ନ ରୋଗରେ ଆକ୍ରାନ୍ତ ହୋଇଥାନ୍ତି ।

-ଦାନ୍ତ ସମସ୍ୟା ଥିବା ବ୍ୟକ୍ତି ଲେମ୍ବୁ ପାଣି (Lemon water) ପିଇବା ଉଚିତ ନୁହେଁ । ଲେମ୍ବୁ ରସରେ ସାଇଟ୍ରିକ୍ ଏସିଡ୍ ବା ଅମ୍ଲ ପରିମାଣ ଅଧିକ ଥାଏ । ଏହା ଦାନ୍ତର ଏନାମେଲ୍‌କୁ ନଷ୍ଟ କରି ଦେଇଥାଏ । ତେଣୁ ଲେମ୍ବୁ ପାଣି ପିଇବା ପରେ ତୁରନ୍ତ ଦାନ୍ତ ଘଷନ୍ତୁ ନାହିଁ ।

-ଦୁଇ ଥରରୁ ବେଶୀ ଲେମ୍ବୁ ପାଣି (Lemon water) ପିଇଲେ ବୃକ୍‌କ ଓ ଯକୃତ ଉପରେ ଖରାପ ପ୍ରଭାବ ପଡ଼େ ।

-ପାଚନକ୍ରିୟା ଉପରେ ଖରାପ ପକାଇ ପାରେ ଅତ୍ୟଧିକ ଲେମ୍ବୁ ପାଣି (Lemon water)। ବାରମ୍ବାର ପରିଶ୍ରା ଲାଗେ ।

-ଅତ୍ୟଧିକ ଥଣ୍ଡା ବା ଅତ୍ୟଧିକ ଗରମ ଲେମ୍ବୁ ପାଣି (Lemon water) ପିଇବା ସ୍ୱାସ୍ଥ୍ୟ ପାଇଁ କ୍ଷତିକାରକ । ସବୁବେଳେ ନଖ ଉଷୁମ ପାଣିରେ ଲେମ୍ବୁ ମିଶାଇ ପିଅନ୍ତୁ ।

-ଅଧିକ ମାତ୍ରାରେ ଲେମ୍ବୁ ପାଣି (Lemon water) ପିଇଲେ ଶରୀରେ ଥିବା ଜରୁରୀ ପୋଷକ ତତ୍ତ୍ୱ ଶୁଷ୍କ ହୋଇଯାଏ ଓ ଶରୀରରେ ଜଳୀୟ ଅଂଶ ହ୍ରାସ ପାଇଯାଏ । ଖାଲି ସେତିକି ନୁହେଁ ଏହା ଫଳରେ ଷ୍ଟୋନ୍‌ ହେବାର ମଧ୍ୟ ଆଶଙ୍କା ରହିଛି ।

-ଅମ୍ଲଯୁକ୍ତ ଲେମ୍ବୁ ପାଣି (Lemon water) ଅଲସର ରୋଗୀଙ୍କ ପାଇଁ ହାନିକାରକ ହୋଇଥାଏ ।

-ଅନେକ ସମୟରେ ତେଲଯୁକ୍ତ ଖାଦ୍ୟ ଖାଇବା ପରେ ତାକୁ ହଜମ କରିବା ଉଦ୍ଦେଶ୍ୟରେ ଆମ୍ଭେମାନେ ଲେମ୍ବୁ ପାଣି (Lemon water)ପିଇଥାନ୍ତି । ମାତ୍ର ଆମେ ଭୁଲି ଯାଉ ଯେ, ଏହା ଫଳରେ ପେଟରେ ଅମ୍ଳର ମାତ୍ରା ବଢ଼ିଯାଏ ।

-ଗ୍ୟାଷ୍ଟ୍ରିକ୍ ସମସ୍ୟା, ଛାତି ପୋଡ଼ିବା ଆଦି ଥିଲେ ଲେମ୍ବୁ ପାଣି (Lemon water) ପିଅନ୍ତୁ ନାହିଁ ।

-ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ଲେମ୍ବୁ ପାଣି (Lemon water)ପିଅନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।

ପ୍ରକାଶ ଥାଉ ଯେ, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ନିଶ୍ଚିତ ଭାବରେ ଡାକ୍ତରଙ୍କ ପରାମର୍ଶ ନିଅନ୍ତୁ ।

ବାଦାମ ଖାଉଛନ୍ତି କି ? ହୋଇଯାଆନ୍ତୁ ସାବଧାନ

ଜୀବନ ନେଇପାରେ କଫି, ଅତ୍ୟଧିକ କଫି ପିଇବା ଦ୍ୱାରା ହୋଇପାରେ କ୍ୟାନ୍‌ସର, ଜାଣନ୍ତୁ...