Odisha rain update
ରାଜ୍ୟକୁ ଛୁଇଁଲା ମୌସୁମୀ ବାୟୁ | ଆଜି ଦକ୍ଷିଣ-ପଶ୍ଚିମ ମୌସୁମୀ ବାୟୁ (monsoon)ସାରା ରାଜ୍ୟକୁ ସ୍ପର୍ଶ କରିଛି | ମୌସୁମୀ ବାୟୁ (monsoon) ପ୍ରଭାବରେ ବିଭିନ୍ନ ଅଞ୍ଚଳରେ ବିଜୁଳି ଘଡ଼ଘଡ଼ି ସହ ବର୍ଷା ହେଉଛି | ଶୁକ୍ରବାର ଭଦ୍ରକ ଜିଲାରେ ସର୍ବାଧିକ ବର୍ଷା ୮୬ ମିମି, ବାରିପଦା ୫୯.୬ ମିମି, ଅନୁଗୋଳରେ ୨୪ମିମି ରେକର୍ଡ ହୋଇଛି |
ଏଥିସହିତ ପାରାଦ୍ବୀପ, କେନ୍ଦୁଝର, ଭବାନୀପାଟଣା, ଟିଟିଲାଗଡ କୋରାପୁଟ, ମାଲକାନଗିରି, ରାୟଗଡା, ପାରଳାଖେମୁଣ୍ଡି, ଯାଜପୁର ଜିଲାର କିଛି ସ୍ଥାନରେ ବର୍ଷା ହୋଇଥିବା ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି |
ପାଣିପାଗ ବିଭାଗର ସୂଚନାନୁଯାୟୀ, ଏବେ ପର୍ଯ୍ୟନ୍ତ ମୌସୁମୀ ରାଜ୍ୟରେ ସ୍ବାଭାବିକ ବର୍ଷିଛି | ଜୁନ ୧୬ରୁ ୨୪ ତାରିଖ ମଧ୍ୟରେ ସ୍ବାଭାବିକ ବର୍ଷା ୬୬.୮ ମିମି ସ୍ଥଳେ ୬୭.୭ ମିମି ବର୍ଷା ହୋଇଛି |
ଯାହା ସ୍ବାଭାବିକଠାରୁ ସାମାନ୍ୟତମ ଅଧିକ ବର୍ଷା (Weather update) ହୋଇଛି | ଉତ୍ତର-ପୂର୍ବ ଉତ୍ତର ପ୍ରଦେଶ ଏବଂ ଏହାର ପାର୍ଶ୍ବବର୍ତ୍ତୀ ଅଞ୍ଚଳରେ ସମୁଦ୍ର ପତ୍ତନଠାରୁ ବାୟୁମଣ୍ଡଳର ୦.୯ କିମି ଉଚ୍ଚତାରେ ଏକ ଘୂର୍ଣ୍ଣିବଳୟ ସକ୍ରିୟ ରହିଛି |
ପାଣିପାଗ ଝାଡଖଣ୍ଡ ଏବଂ ଏହାର ପାର୍ଶ୍ବବର୍ତ୍ତୀ ଅଞ୍ଚଳରେ ସମୁଦ୍ର ପତ୍ତନଠାରୁ ୧.୫ କିମି ଏବଂ ୨.୧ କିମି ବାୟୁମଣ୍ଡଳ ଉଚ୍ଚତାରେ ଅନ୍ୟ ଏକ ଘୂର୍ଣ୍ଣିବଳୟ ସକ୍ରିୟ ରହିଥିବାରୁ ଏହାର ପ୍ରଭାବରେ ବିଭିନ୍ନ ସ୍ଥାନରେ ବିଜୁଳି ଘଡଘଡି ସହ ବର୍ଷା ହେବାନେଇ ସମ୍ଭାବନା ରହିଛି |
ବିଶେଷ କରି ଆସନ୍ତା ୨୪ ଘଣ୍ଟା ମଧ୍ୟରେ ବରଗଡ, ଝାରସୁଗୁଡା, ସମ୍ବଲପୁର,ସୁବର୍ଣ୍ଣପୁର, ବଲାଙ୍ଗୀର, ନବରଙ୍ଗପୁର, ନୂଆପଡା, କେନ୍ଦୁଝର, ମୟୂରଭଞ୍ଜ, ଯାଜପୁର ଜିଲାର ଗୋଟିଏରୁ ଦୁଇଟି ଅଞ୍ଚଳରେ ପ୍ରବଳ ବର୍ଷା ହୋଇପାରେ(Weather update) | କିଛି ସ୍ଥାନରେ ବଜ୍ରପାତକୁ ଦୃଷ୍ଟିରେ ରଖି ଉପରୋକ୍ତ ଜିଲା ଗୁଡିକୁ ପାଣିପାଗ ବିଭାଗ ପକ୍ଷରୁ ହଳଦିଆ ସତର୍କ ସୂଚନା ଜାରି କରାଯାଇଛି |
Share your comments